ترقی پانے والوں میں وائس ایڈمرل اطہر مختار، وائس ایڈمرل محمد فیاض جیلانی، وائس ایڈمرل محمد امجد خان نیازی اور وائس ایڈمرل آصف خالق شامل ہیں
کراچی (نیوز اپ ڈیٹس) پاک بحریہ کے چار ریئر ایڈمرلز کو وائس ایڈمرل کے عہدے پر ترقی دے دی گئی ہے۔ ترجمان پاک بحریہ کے مطابق ترقی پانے والوں میں وائس ایڈمرل اطہر مختار، وائس ایڈمرل محمد فیاض جیلانی، وائس ایڈمرل محمد امجد خان نیازی اور وائس ایڈمرل آصف خالق شامل ہیں۔ ترقی پانے والے فلیگ آفیسرز کئی اہم تقرریوں سمیت کمانڈ اینڈ اسٹاف عہدوں پر کام کرنے کا وسیع تجربہ رکھتے ہیں۔ وائس ایڈمرل اطہر مختار نے1984 ءمیں پاک بحریہ کی آپریشنز برانچ میں کمیشن حاصل کیا۔ وہ پاکستان نیوی وار کالج، نیشنل ڈیفنس یونیورسٹی اسلام آباد کے گریجویٹ ہیں۔ وائس ایڈمرل محمد فیاض جیلانی نے1984 ءمیں پاک بحریہ کی آپریشنز برانچ میں کمیشن حاصل کیا اور پاکستان نیوی وار کالج، نیشنل ڈیفنس یونیورسٹی اسلام آباد اورکرین فیلڈ یونیورسٹی(UK) کے گریجویٹ ہیں۔ وائس ایڈ مرل محمد امجد خان نیازی نے 1985 ءمیں پاک بحریہ کی آپریشنز برانچ میں کمیشن حاصل کیا اور یہ آرمی کمانڈ اینڈ اسٹاف کالج، نیشنل ڈیفنس یونیورسٹی اسلام آباد اور بیجنگ یونیورسٹی چائنہ کے گریجویٹ ہیں۔
No comments:
Post a Comment