میئر کراچی وسیم اختر کا سابق ٹیسٹ کرکٹر راشد لطیف کی والدہ اور مشہور سینئر اداکار گلاب چانڈیو کے انتقال پر اظہار تعزیت

کراچی (نیوز اپ ڈیٹس) میئر کراچی وسیم اختر نے سابق ٹیسٹ کرکٹر راشد لطیف کی والدہ کے انتقال پر تعزیت کا اظہار کرتے ہوئے دعا کی ہے کہ اللہ تعالیٰ مرحومہ کی مغفرت فرمائے اور انہیں اپنے جوار رحمت میں جگہ عطا فرمائے اور راشد لطیف سمیت پوری فیملی کو یہ صدمہ برداشت کرنے کی توفیق عطا فرمائے۔ علاوہ ازیں میئر کراچی وسیم اختر نے سینئر اداکار گلاب چانڈیو کے انتقال پر تعزیت کا اظہار کرتے ہوئے کہا ہے کہ گلاب چانڈیو کا شمار بڑے فنکار کے طور پر کیا جاتا تھا، انہوں نے بے شمار ڈراموں میں کام کیا اور اپنی فنکارانہ صلاحیتوں کی بدولت پاکستان بھر میں بے پناہ شہرت حاصل کی، میئر کراچی وسیم اختر نے دعا کی کہ اللہ تعالیٰ مرحوم کی مغفرت فرمائے اور تمام لواحقین کو صبر جمیل عطا فرمائے۔آمین