سماجی خدمات پر55 کمپنیوں کو بین الاقوامی سی ایس آر ایوارڈز دیے جائیں گے

سالانہ تقریب میں صدر آزاد کشمیر مسعود خان، وفاقی وزیر دفاعی پیدا وار زبیدہ جلال و دیگر وفاقی وزراءشرکت کریں گے

کراچی(نیوز اپ ڈیٹس)55 ملکی و بین الاقوامی کمپنیوں کو گزشتہ سال 2018ء میں سماجی خدمات پر کارپوریٹ سوشل رسپانس بلیٹی کے30 مختلف شعبوں میں اعلیٰ کارکردگی پر ایوارڈدیئے جائیں گے۔ صدر آزاد کشمیر سردار مسعود خان مہمان خصوصی ہوں گے۔ اس موقع پر ایک سی ایس آر کانفرنس کا انعقاد بھی کیا جائے گا جس میں مقررین و ماہرین خطاب کریں گے۔ کانفرنس میں وفاقی وزیر برائے دفاعی پیدا وار زبیدہ جلال، وزیر وزیر برائے سمندری امور سید علی حیدر زیدی، وزیر مملکت برائے ماحولیاتی تبدیلی زرتاج گل وزیر، وزیر برائے آئی ٹی ڈاکٹر خالد مقبول صدیقی اور دیگر بھی شرکت کریں گے۔ اس موقع پر جن اداروں کو ایوارڈز دیے جائیں گے ان میں آرکروما پاکستان لمیٹڈ، اٹلس ہونڈا لمیٹڈ، برجر پینٹس پرائیویٹ لمیٹڈ، بحریہ فاونڈیشن، بیسٹ وے سیمنٹ لمیٹڈ، برہان گیس کمپنی، کراﺅن گروپ آف کمپنیز، چائنا تھری گورجیز ساوتھ ایشیا انویسمنٹ لمیٹڈ، ڈی پی ورلڈ، دیوان سمینٹ، ڈاکٹر عیسی لیب، ایکو بیگس، اینگرو فوڈز لمیٹڈ، اینگرو فاونڈیشن، ای ایم سی ویسٹ مینجمنٹ لمیٹڈ، فاطمہ فرٹیلائزر کمپنی لمیٹڈ، فوجی سمینٹ کمپنی لمیٹڈ، ایف ایف سی انرجی، ہمدرد پاکستان، ہاشو گروپ، انڈس موٹر کمپنی، جاویدان کارپوریشن لمیٹڈ، کے الیکٹرک لمیٹڈ، کولڈ کرافٹ، کوہ نور میپل لیف گروپ، کوہاٹ سمینٹ لمیٹڈ، لکی ٹیکس پاکستان، مدینہ گروپ آف انڈسٹریز، مدینہ فاونڈیشن، مغل آئرن اینڈ اسٹیل انڈسٹریز لمیٹڈ، مریم علی محمد تباع فاونڈیشن، ماڑی پیٹرولیم کمپنی لمیٹڈ، محمود ٹرسٹ، نیشنل بینک آف پاکستان، نیشنل سیکورٹی پرنٹنگ پریس، نیسلے پاکستان لمیٹڈ، آئل اینڈ گیس ڈیولپمنٹ کمپنی لمیٹڈ، پاک عرب ریفائنری لمیٹڈ، پاکستان کیبلز لمیٹڈ، پٹیل اسپتال، فلپس مورس پاکستان لمیٹڈ، پریمیئر کیبل پرائیویٹ لمیٹڈ، روٹس انٹرنیشنل اسکولز، روٹس اسکول سسٹم، اسکپا انکس پاکستان پرائیویٹ لمیٹڈ، سوئی نادرن گیس کمپنی لمیٹڈ، سوئی سدرن گیس کمپنی لمیٹڈ، صداقت لمیٹڈ، تارا گروپ پاکستان، دی حب پاور کمپنی لمیٹڈ، ٹریٹ کارپوریشن لمیٹڈ، تھر فاونڈیشن، سیرل کمپنی لمیٹڈ اور یونس ٹیکسٹائل ملز لمیٹڈ کمپنی شامل ہیں۔ اس موقع پر سماجی خدمات پر شہید حکیم سعید کو اعزازی ایوارڈ دیا جائے گا۔