پاکستان میڈیکل ایسوسی ایشن کا میڈیکل کالجوں کی بے تحاشا بڑھتی ہوئی فیسوں پر گہری تشویش کا اظہار

ہم چیف جسٹس آف پاکستان سے درخواست کرتے ہیں کہ اس فیس پر نظر ثانی کرتے ہوئے پاکستان کے لوگوں کی مالی استطاعت کے مطابق اس کو کم کرتے ہوئے پہلے کی سطح پر لے کر آئیں، ڈاکٹر ایس ایم قیصر سجاد

کراچی (اسٹاف رپورٹر) پاکستان میڈیکل ایسوسی ایشن سینٹر کے سیکریٹری جنرل ڈاکٹر ایس ایم قیصر نے اپنے ایک بیان میں کہا ہے کہ پاکستان میڈیکل ایسوسی ایشن میڈیکل کالجوں کی بے تحاشا بڑھتی ہوئی فیسوں پر گہری تشویش کا اظہار کرتی ہے کہ جس کے مطابق ایک میڈیکل کے طالب علم کی سالانہ فیس Rs.950,000/- ہے انشورنس، ٹیکس اور داخلہ فیس کی شمولیت کے ساتھ یہ فیس قریباًRs.1,200,000/- سے زائد ہو جاتی ہے جو ایک غیر ضروری بوجھ ہے اور طلبہ کے والدین کی دسترس سے باہر ہے۔ ڈاکٹر ایس ایم قیصر کا مید کہنا تھا کہ پی ایم اے کا ماننا ہے کہ طبی تعلیم اور تربیت پر توجہ دینی چاہیے تاکہ پاکستان میں مستند ڈاکٹرز پیدا کیے جا سکیں، ہم چیف جسٹس آف پاکستان سے درخواست کرتے ہیں کہ اس فیس پر نظر ثانی کرتے ہوئے پاکستان کے لوگوں کی مالی استطاعت کے مطابق اس کو کم کرتے ہوئے پہلے کی سطح پر لے کر آئیں جو 642,000/- روپے تھی۔