قائد آباد کے علاقے شیر پاؤ کالونی عید گاہ گراؤنڈ کے قریب واقعہ، مقتول تعویز گنڈے کا کام کرتا تھا
ملزم اسلم شاہ نے مقتول کو اپنے والدکی تصویر گھر کے باہر لگانے سے منع کیا تھا۔ پولیس
کراچی (نیوز اپ ڈیٹس) کراچی میں سال نو کا پہلا قتل، قائد آباد میں فائرنگ کر کے45 سالہ شخص کو اس کے گھر کی دہلیز پر قتل کر دیا گیا۔ تفصیلات کے مطابق قائد آباد کے علاقے شیر پاؤ کالونی عید گاہ گراؤنڈ کے قریب واقع خیبر گلی میں مسلح ملزم کی فائرنگ سے45 سالہ سید اختیار شاہ ولد پیر ملک شاہ ہلاک ہو گیا۔ اطلاع ملنے پر پولیس نے موقع پر پہنچ کر لاش کو پوسٹ مارٹم کے لیے جناح اسپتال پہنچایا، مقتول تعویز گنڈے کا کام کرتا تھا۔ مقتول کو اس کے رشتے دار سکندر شاہ کے بیٹے اسلم شاہ نے فائرنگ کر کے قتل کیا۔ پولیس کا کہنا ہے کہ قاتل نے مقتول کو منع کیا تھا کہ وہ اپنے گھر کے باہر اس کے والد کی تصویر اور نام نہ لگائے۔ پولیس نے جائے وقوع سے30 ایم ایم کے3 خول برآمد کیے ہیں، ملزم اسلم شاہ پیر آباد کٹی پہاڑی کا رہائشی ہے۔
No comments:
Post a Comment