کراچی (نیوز اپ ڈیٹس) پاکستان میری ٹائم سیکورٹی ایجنسی نے کھلے سمندر میں کارروائی کر کے 5 بھارتی ماہی گیروں کو گرفتار کرلیا ہے جب کہ ایک کشتی کو بھی قبضے میں لے لیا ہے۔ ترجمان پاکستان میری ٹائم سیکورٹی ایجنسی کے مطابق پاکستان میری ٹائم سیکورٹی ایجنسی نے سمندری حدود میں کارروائی کرتے ہوئے پاکستانی سمندری حدود میں غیر قانونی ماہی گیری کرنے پر5 بھارتی ماہی گیروں کو گرفتار کر لیا جب کہ گرفتار ماہی گیروں کی ایک کشتی کو بھی قبضے میں لے لیا ہے۔ ترجمان کے مطابق کارروائی میں پاکستان میری ٹائم سیکورٹی ایجنسی کے جہازوں اور تیز رفتار کشتیوں نے حصہ لیا۔ گرفتار ماہی گیروں کو ابتدائی تفتیشی عمل کے بعد مزید قانونی کارروائی کے لیے ڈاکس پولیس کے حوالے کر دیا گیا۔
No comments:
Post a Comment