کراچی میں سال 2019ءکا پہلا مقابلہ درج کر لیا گیا

کراچی (نیوز اپ ڈیٹس) کراچی میں سال دو ہزار انیس کا پہلا مقابلہ درج کرلیا گیا۔ اسٹیل ٹاو ¿ن میں پولیس اور ملزمان کے درمیان فائرنگ کے تبادلے میں زخمی ملزم سمیت دو ملزمان کو گرفتار کرلیا گیا۔ زخمی ملزم کو طبی امداد کے لیے اسپتال منتقل کردیا گیا ہے۔ پولیس حکام کا کہنا ہے کہ دونوں ملزمان شہریوں سے لوٹ مار کر رہے تھے۔ اہل کاروں کے پہنچنے پر فائرنگ کردی۔ ملزمان سے اسلحہ اور موبائل برآمد ہوئے ہیں۔ ادھر فائیو اسٹار چورنگی سے دو شر پسندوں کو اسلحہ سمیت گرفتار کرلیا گیا۔ ملزمان بلال اور حسن نیو ایئر نائٹ میں ہوائی فائرنگ کرنے کے لیے گھوم رہے تھے۔ ملزمان سے اسلحہ اور چوری کی موٹر سائیکل برآمد کرلی گئی۔ کراچی کے علاقے سائٹ سپر ہائی وے پولیس نے اسنیپ چیکنگ کے دوران کارروائی کر کے چار ملزمان کو گرفتار کرلیا ہے۔ گرفتار ملزمان کے قبضے سے غیر قانونی اسلحہ اور شراب برآمد کر لی گئی۔