پاکستان آئی بینک سوسائٹی آئی اینڈ جنرل اسپتال میں پاک۔ یو اے ای شیخہ فاطمہ ہیومن ٹیرین انٹرنیشنل کے تعاون سے ایک روزہ فری میڈیکل کیمپ کا انعقاد

کراچی: پاکستان آئی بینک سوسائٹی آئی اینڈ جنرل اسپتال (ناگن چورنگی) میں پاک یو اے ای شیخہ فاطمہ ہیومن ٹیرین انٹرنیشنل کے تعاون سے ایک روزہ فری میڈیکل کیمپ کے موقع پر لیا گیا گروپ فوٹو۔ جس میں ڈاکٹر کامران، ڈاکٹر عادل الشمرے(یو اے ای)، ڈاکٹر قاضی واثق، ڈاکٹر کاشف فاروقی، ڈاکٹر حامد، ڈاکٹر حسن، ڈاکٹر شاہد حسین، نصرت جہاں، وسیم رئیس اور لیاقت میڈیکل اینڈ ڈینٹل کالج کے طلبہ و طالبات موجود ہیں۔

کراچی (اسٹاف رپورٹر)پاکستان آئی بینک سوسائٹی آئی اینڈ جنرل اسپتال (ناگن چورنگی) میں پاک۔ یو اے ای شیخہ فاطمہ ہیومن ٹیرین انٹرنیشنل کے تعاون سے ایک روزہ فری میڈیکل کیمپ بروز جمعرات 20 دسمبر 2018ء کو منعقد کیا گیا۔ جس میں شوگر، ای سی جی، ایل آئی پی آئی ڈی پرو فائل، بی ایم آئی، بی ایم ڈی، ایکو، بی پی، بلڈ شوگر، منی لیب، بائیو کیمسٹری، کارڈک مانیٹر، پھیپھٹروں کے ٹیسٹ بالکل مفت کیے گئے یہ کیمپ صبح 9.00 بجے سے دوپہر3.00 بجے تک جاری رہا۔ اس کیمپ میں 500 سے زائد مریضوں نے اپنا معائنہ و ٹیسٹ کروائے۔