کراچی (نیوز اپ ڈیٹس) آرٹس کونسل آف پاکستان کراچی کے آئندہ دو سال کے لیے انتخابات آج اتوار23 دسمبر کو آرٹس کونسل میں منعقد ہوں گے۔ صبح 10 بجے جنرل باڈی اجلاس منعقد کیا جائے گا جس کے بعد آٹھ گھنٹے تک تسلسل کے ساتھ ووٹنگ ہو گی۔ دو پینل کے احمد شاہ۔ اعجاز فاروقی اور آرٹس فورم پینل کے درمیان 5 عہدے داروں اور گورننگ باڈی کی12 سیٹوں کے لیے 24 امید واروں کے درمیان مقابلہ ہو گا۔ کمشنر کراچی ڈویژن چیف الیکشن کمشنر اور ڈپٹی کمشنر ساوتھ بطور کمشنر الیکشن کی نگرانی کریں گے۔ ہفتہ کو دونوں پینل کے سربراہان اور عہدے داروں کے درمیان اجلاس میں ضابطہ اخلاق طے ہوا اور فیصلہ کیا گیا کہ الیکشن انتہائی پرامن ماحول میں منعقد ہوں گے۔
No comments:
Post a Comment