کراچی (اسٹاف رپورٹر) پاکستان میں جذام کے مریضوں کی مسیحا ڈاکٹر رتھ فاؤ کی قبر پر کیو آر کوڈ درج کر دیا گیا ہے۔ تفصیلات کے مطابق لاکھوں مریضوں کے چہروں پر مسکراہٹ بکھیرنے والی ڈاکٹر رتھ فاﺅ 10 اگست 2017ءکو طویل علالت کے بعد انتقال کر گئی تھیں۔ ڈاکٹر رتھ فاؤ کی وصیت کے مطابق ان کی تدفین سرخ جوڑے میں کراچی میں واقع مسیح قبرستان (گورا قبرستان) میں عیسائی رسومات کے تحت قومی اعزاز کے ساتھ کی گئی۔ ڈاکٹر رتھ فاﺅ کے مداحوں نے جذام کے مریضوں کی مسیحا کو انوکھے انداز سے خراج تحسین پیش کرتے ہوئے ان کی قبر پر کیو آر کوڈ آویزاں کر دیا۔ اس کوڈ کو موبائل میں اسکین کر کے ڈاکٹر رتھ فاﺅ کی زندگی اور ان کی خدمات کے بارے میں مزید معلومات حاصل کی جا سکتی ہیں، کوئی بھی شخص قبر پر جا کر کوڈ اسکین کر سکتا ہے۔
No comments:
Post a Comment