مختلف اقسام کے ریس، کرکٹ فیسٹیول میچ سمیت ٹیبلو اور بینڈ پرفارمنس کریں گے
اسپورٹس اینڈ فن گالا کا افتتاح وائس چیئرمین بلدیہ کورنگی سید احمر علی جب کہ اختتامی تقریب میں چیئرمین بلدیہ کورنگی سید نیئر رضا مہمان خصوصی ہوں گے
کراچی (نیوز اپ ڈیٹس) محکمہ تعلیم بلدیہ کورنگی شاہ فیصل زون کے زیر اہتمام اسپورٹس اینڈ فن گالا کا انعقاد (آج) مورخہ21فروری 2019ءبروز جمعرات صبح 9 تا شام 4 بجے تک شاہ فیصل کالونی نمبر5 ملیر ریور پر قائم کرکٹ گراﺅنڈ پر منعقد ہوگا۔ اسپورٹس گالا کا افتتاح وائس چیئرمین بلدیہ کورنگی سید احمر علی کریں گے جب کہ اختتامی تقریب میں چیئرمین بلدیہ کورنگی سید نیئر رضا مختلف ایونٹس میں نمایاں پوزیشن حاصل کرنے والے طلبہ و طالبات میں انعامات تقسیم کریں گے۔ اسپورٹس اینڈ فن گالا میں اسکولوں کے طلبہ و طالبات کے درمیان مختلف اقسام کی ریس کے علاوہ کرکٹ فیسٹیول میچ کے علاوہ اسکولوں کے بچے ٹیبلو اور کراچی کے معروف بینڈز اپنی پرفارمنس کا مظاہرہ کریں گے۔ تقریب میں بلدیہ کورنگی کے کونسل کے اراکین، یونین کمیٹیز کے نمائندے، ٹی وی، اسٹیج کے فن کاروں کے علاوہ شعبہ تعلیم سے وابستہ اہم شخصیات شرکت کریں گی۔
No comments:
Post a Comment