واٹر بورڈ کی جانب سے موسم گرما سے قبل کراچی کو فراہمی آب میں بہتری کے لیے کام کا آغاز

جی کے نظام آب سے پانی کی جزوی فراہمی بند رہنے سے گلشن اقبال، نارتھ ناظم آباد، گلستان جوہر، جمشید ٹاون، کلفٹن، ڈی ایچ اے، کیماڑی، صدر، اختر کالونی، قیوم آباد، اولڈ سٹی ایریا، لانڈھی، کورنگی اور ملحقہ علاقے جزوی متاثر ہوں گے۔ ترجمان واٹر بورڈ

کراچی(نیوز اپ ڈیٹس) واٹر بورڈ کے ترجمان نے ایک اعلامیے میں کہا ہے کہ واٹر بورڈ موسم گرما سے قبل کراچی کو فراہمی آب میں بہتری کے لیے کام کا آغاز کر رہا ہے۔ اس سلسلے میں اتوار 3 فروری کی صبح 10بجے سے منگل5 فروری کی صبح 10 بجے تک دھابیجی پمپنگ اسٹیشن کے سیکشن و فیڈنگ چینلز کی مرحلہ وار صفائی کی جائے گی جب کہ دیگر ضروری امور بھی سرانجام دیے جائیں گے۔ اس دوران دھابیجی سے جی کے نظام آب کے ذریعے پانی کی فراہمی جزوی بند رہے گی تاہمK-2 اور K-3 نظام آب سے شہر کو پانی معمول کے مطابق فراہم کیا جاتا رہے گا۔ جی کے نظام آب سے پانی کی جزوی فراہمی بند رہنے سے گلشن اقبال، نارتھ ناظم آباد، گلستان جوہر، جمشید ٹاون، کلفٹن، ڈی ایچ اے، کیماڑی، صدر، اختر کالونی، قیوم آباد، اولڈ سٹی ایریا، لانڈھی، کورنگی اور ملحقہ علاقے جزوی متاثر ہوں گے۔ ترجمان واٹر بورڈ نے ان علاقوں کے مکینوں سے اپیل کی ہے کہ وہ اس دوران پانی کفایت سے استعمال کریں اور احتیاطاً پانی کا ذخیرہ کر لیں۔