کراچی (نیوز اپ ڈیٹس) ہاشمانیز گروپ آف ہاسپیٹلز کی جانب سے لائف اسٹائل ایکسپو میں آنے والے1505 سے زائد افراد کو آنکھوں کی بیماریوں کے لیے اسکریننگ اور مختلف لیبارٹری ٹیسٹ کی مفت سہولت فراہم کی گئی۔ ہاشمانیز اسپتال کے ترجمان کے مطابق تین روزہ لائف اسٹائل نمائش گزشتہ دنوں ایکسپو سینٹر میں منعقد ہوئی جس میں مختلف شعبہ ہائے زندگی سے تعلق رکھنے والے افراد نے کثیر تعداد میں شرکت کی۔ اس دوران ہاشمانیز گروپ آف ہاسپیٹلز کی جانب سے بھی اسٹال لگایا گیا جہاں آنے والے افراد کی آئی اسکریننگ کی گئی۔ اس کے ساتھ ان کے بلڈ شوگر ٹیسٹ کیے گئے، بلڈ پریشر چیک کیا گیا اور جنرل فزیشن کے ذریعے معائنے کی سہولت بھی فراہم کی گئی۔ عملے نے انہیں لاسک کے بارے میں بھی آگاہی دی۔ اس موقع پر لوگوں نے ہاشمانیز اسپتال کی جانب سے فراہم کی گئی سہولتوں کی تعریف کی اور اسے صحت مندانہ اقدام قرار دیا۔
No comments:
Post a Comment