کراچی (نیوز اپ ڈیٹس) موسم گرما سے قبل کراچی کو فراہمی آب میں بہتری کے لیے واٹر بورڈ کے دھابیجی پمپنگ اسٹیشن پر کام جاری ہے، سکشن اور فیڈنگ چینلز کی صفائی وقت مقررہ سے قبل مکمل کرنے کے لیے واٹر بورڈ تمام دست یاب وسائل بروئے کار لارہا ہے۔ منگل کو صبح صفائی کا عمل مکمل ہوتے ہی جی کے نظام آب سے معمول کے مطابق پانی کی فراہی شروع کر دی جائے گی۔ ترجمان واٹر بورڈ کے مطابق واٹر بورڈ شہر کو موسم گرما میں پانی کی بہتر فراہمی کے لیے دھابیجی پمپنگ اسٹیشن پر جی کے نظام فراہمی آب کے فیڈنگ اور سکشن چینلز کی صفائی کا کام کر رہا ہے۔ کام کا آغاز اتوار کو طے شدہ وقت کے مطابق صبح 10بجے کیا گیا تھا جو کسی وقفے کے بغیر تیزی سے جاری ہے۔ واٹر بورڈ مقررہ وقت سے قبل چینلز کی صفائی مکمل کرنے کے لیے تمام دست یاب وسائل اور افرادی قوت استعمال کر رہا ہے۔ منگل کو صبح کام مکمل کر کے جی کے نظام آب سے پانی کی معمول کے مطابق شہر کو فراہمی شروع کر دی جائے گی۔ واضح رہے کہ واٹر بورڈ نے چینلزکی صفائی کے دوران دھابیجی سے”جی کے“ نظام آب کے ذریعے کراچی کو جزوی جب کہ K-2 اور K-3 نظام آب سے معمول کے مطابق پانی کی فراہمی جاری رکھی ہوئی ہے۔
No comments:
Post a Comment