ہم نہ صرف عوام کی خدمت کر رہے ہیں بلکہ ناکردہ گناہوں کی سزا اور مقدمات کا سامنا بھی کر رہے ہیں، میئرکراچی

 ہم اسی تگ و دو میں لگے ہوئے ہیں کہ کراچی کی بہتری اور ترقیاتی کاموں کے لئے فنڈز اور اختیارات حاصل کئے جائیں،وسیم اختر

کراچی(این این آئی)میئر کراچی وسیم اختر نے کہا ہے کہ وہ خوش قسمت لوگ ہوتے ہیں جنہیں اختیارات مل جاتے ہیں ہم نہ صرف عوام کی خدمت کر رہے ہیں بلکہ ناکردہ گناہوں کی سزا اور مقدمات کا سامنا بھی کر رہے ہیں ہم اسی تگ و دو میں لگے ہوئے ہیں کہ کراچی کی بہتری اور ترقیاتی کاموں کے لئے فنڈز اور اختیارات حاصل کئے جائیں، کراچی کے شہریوں کے تفریحی مقامات ، پارکوں اور کھیل کے میدانوں کو مفت کا مال نہ سمجھا جائے نہ ان پر قبضہ کیا ہے اور نہ ایسا کرنے دیں گے، افسران منتخب نمائندوں کے مینڈیٹ کو تسلیم کریں اور مسائل کھڑے کرنے کے بجائے کاموں میں آسانیاں پیدا کریں یہ بات انہوں نے کے ایم سی آفیسرز ویلفیئر ایسوسی ایشن کی جانب سے اپنے اعزاز میں دیئے گئے استقبالیہ سے خطاب کرتے ہوئے کہی، اس موقع پر ڈپٹی میئر کراچی ڈاکٹر ارشد عبداللہ وہرہ، مختلف سیاسی جماعتوں کے پارلیمانی لیڈرز، کے ایم سی کے مختلف محکموں کے سربراہان، سابق افسران، ایسوسی ایشن کے صدر جمیل فاروقی، نائب صدر نذیر لاکھانی، جنرل سیکریٹری بلال منظر، سیکریٹری نشر و اشاعت علی حسن ساجد اور دیگر عہدیداران بھی موجود تھے، میئر کراچی نے خطاب کرتے ہوئے کہا کہ اگر ہم اور آپ مل کر کام کریں گے تو افسران ہماری طاقت بن جائیں گے ، کے ایم سی کے تمام ملازمین اپنے آپ کو سیاست سے الگ رکھیں، نظم و ضبط قائم رکھنے کے لئے افسران وقت پر دفاتر آئیں اور ماتحت عملے کو بھی اس بات کی ہدایت کریں کہ وہ دفتری اوقات کی پابندی کریں، بلدیاتی حکومت، افسران مل کر اصلاحات متعارف کرائیں ، نظام میں بہتری ہم سب کے اور شہر کے حق میں بہتر ہے انہوں نے کہا کہ ہم سب کو ذمہ داری کا مظاہرہ کرنا چاہئے اور اپنے آپ کو خدمت خلق کے لئے وقف کردینا چاہئے کیونکہ خدمت خلق بہت بڑی عبادت ہے اللہ نے آپ سب کو یہ موقع فراہم کیا ہے، میئر کراچی نے اس موقع پر خوش آئند اعلانات کرکے افسران کے دل جیت لئے انہوں نے اعلان کیا کہ افسران اور ان کے خاندان کو کراچی انسٹیٹیوٹ آف ہارٹ ڈیزیز میں علاج کی مفت سہولت فراہم کی جائے گی، ہاکس بے پر واقع کے ایم سی ہٹ کاانتظام وانصرام کے ایم سی آفیسرز ویلفیئر ایسوسی کے پاس ہوگا، کے ایم سی آفیسرز کلب کی پوری عمارت ایسوسی ایشن کے حوالے کی جارہی ہے تاکہ وہ افسران کو بہتر سہولتیں مہیا کریں، کے ایم سی افسران کی ہیلتھ پالیسی پر کام جاری ہے اور اس سلسلے میں ایسوسی ایشن کی کوششوں کی مکمل حمایت کی جائے گی اور جلد ہی کے ایم سی افسران ہیلتھ انشورنس پالیسی کے ذریعے علاج کی بہترین سہولتوں سے فائدہ اٹھا سکیں گے۔ میئر کراچی نے یہ بھی اعلان کیا کہ کے ایم سی کے افسران و ملازمین کے چار ماہ کے بقایاجات کی ادائیگی کے لئے وہ بھرپور کوشش کریں گے اور اس سلسلے میں جلد ہی افسران و ملازمین کے بقایا جات کی ادائیگی شروع کردی جائے گی، ڈپٹی میئر کراچی ڈاکٹر ارشد عبداللہ وہرہ نے خطاب کرتے ہوئے کہا کہ کسی بھی ادارے میں افسران کی ایسوسی ایشن کا کردار انتہائی اہم ہوتا ہے ایسوسی ایشن اپنے ممبران کی تعداد بڑھائے اور ان کی فلاح و بہبود اور صحت و مسرت کے لئے کام کرے تو ہم ایسوسی ایشن کی بھرپور حمایت اور سرپرستی کریں گے انہوں نے کہا کہ کراچی ہمارا شہر ہے ہم اس کی ترقی کے لئے ہرممکن اقدامات کریں گے ہمیں جس حد تک بھی جانا ہوگا جائیں گے اگر اختیارات نہ دیئے گئے تو سپریم کورٹ سے رجوع کریں گے ۔ قبل ازیں تقریب سے خطاب کرتے ہوئے جنرل سیکریٹری بلال منظر نے میئر کراچی کو خوش آمدید کہتے ہوئے کہا کہ ہمارا عزم ہے کہ ہم سب مل جل کر کراچی شہر کی خدمت کریں یہ منزل منتخب نمائندے اور افسران مل کر ہی حاصل کرسکتے ہیں انہوں نے کہاکہ ایک طویل عرصے کے بعد سیاسی خلا پر ہوا ہے اور منتخب قیادت شہر کو میسر آئی ہے جو سیاسی محاذ پر شہر کے مفادات کا دفاع کرسکتی ہے اور شہر کی ترقی میں اپنا بھرپور کردار ادا کرے گی، انہوں نے سندھ حکومت کی جانب سے کئے جانے والے عوام دشمن اقدامات کا ذکر کرتے ہوئے کہا کہ بلدیہ عظمیٰ کراچی سے بہت سے ادارے جس میں ماسٹر پلان، بلڈنگ کنٹرول اتھارٹی، واٹر اینڈ سیوریج بورڈ، ادارہ ترقیات کراچی شامل ہیں چھین لئے گئے ہیں ، نائب صدر نذیر لاکھانی نے معزز مہمانوں کا استقبال کیا اور کہا کہ کے ایم سی افسران کراچی کی ازسرنو تعمیر کے لئے ہمہ وقت تیار ہیں ، میئر کراچی کے ساتھ کھڑے ہیں اور شہریوں کی خدمت کا جذبہ لے کر میئر کراچی کے ہاتھ مضبوط کریں گے۔ ایسوسی ایشن کے صدر جمیل فاروقی نے خطاب کرتے ہوئے کہا کہ میئرکراچی کے ذہن میں آفیسرز اور ملازمین کی فلاح و بہبود کے لئے متعدد منصوبے ہیں جو بتدریج روبا عمل لائے جائیں گے انہوں نے کہا کہ کے ایم سی آفیسرز ویلفیئر ایسوسی ایشن ایک منتخب ادارہ ہے اور منتخب ہونے والے افسران کی یہ کوشش ہے کہ وہ اپنا بھرپور اور موثر کردار ادا کریں اور اپنے شہر و اداروں کو صاف ستھرا رکھیں ، اداروں کے قواعد و ضوابط کا احترام کریں ۔میئر کراچی نے اس موقع پر کے ایم سی آفیسرز کلب میں نوتعمیر شدہ سیمینار ہال کا افتتاح کیا اور پاکستان کی پہلی لوکل گورنمنٹ لائبریری کا تفصیلی دورہ بھی کیا۔اس موقع پر جوائنٹ سیکریٹری راشد سبزواری، خازن شمس الدین،منیجنگ کمیٹی کے اراکین محمد رضوان خان، ریحانہ پروین، سلمان شمسی، ڈاکٹر شارق، ڈاکٹر رضوانہ برکت، سعید اختر، محمد اسماعیل، محمد متین اور محمد شاہد و دیگر بھی ان کے ہمراہ تھے۔ 

عافیہ موومنٹ کی حامی خواتین کا مانچسٹر میں پاکستانی قونصلیٹ کے باہرعافیہ کی رہائی اور وطن واپسی کیلئے احتجاجی مظاہرہ 

 کراچی(نیوز اپ ڈیٹس)قوم کی بیٹی ڈاکٹر عافیہ کے اغواءکے 14 سال مکمل ہونے کے موقع پرپاکستان سے باہر بھی احتجاج کا سلسلہ جاری ہے۔ اسی سلسلے میں برطانیہ میں مقیم انسانی حقوق کی علمبردار اور عافیہ موومنٹ کی حامی خواتین نے مانچسٹر، برطانیہ میں واقع پاکستانی قونصلیٹ کے باہرعافیہ کی امریکی جیل سے رہائی اور وطن واپسی کیلئے احتجاجی مظاہرہ کیا ۔ عافیہ موومنٹ میڈیا انفارمیشن سیل ، پاکستان کوارسال کردہ احتجاجی مظاہرے کی تصاویر اور تفصیلات کے مطابق مانچسٹر میںبارش کے باوجودخواتین نے ڈاکٹر عافیہ کی وطن واپسی کیلئے پاکستانی قونصلیٹ کے باہر تین گھنٹے طویل احتجاج کیا۔ مظاہرے کے دوران خواتین ”عافیہ کو رہا کرو“ اور ”عافیہ کو وطن بھیجو“ کے نعرے لگا کر اپنے مطالبات پیش کرتی رہیں۔اس موقع پر خواتین نے عافیہ کی صحت کے حوالے سے بھی شدید تشویش کا اظہار کیا۔ انہوں نے اپنے ہاتھوں میں جو بینرزاٹھارکھے تھے ان پر درج تھاکہ ”عافیہ کو فوری طوری پر طبی امداد کی ضرورت ہے“ اور ”فی الفور وطن منتقل کرنے ضرورت ہے“۔ خواتین مسلسل بارش کے باوجود عافیہ کی رہائی کیلئے پاکستانی قونصلیٹ کے باہر موجود رہیں۔ بعد ازاں خواتین کے ایک وفد نے پاکستانی قونصلیٹ کی ویلفیئر آفیسر مسز فضا نیازی سے ملاقات کی جنہوں نے اپنی حمایت کا یقین دلایا اوراحتجاج کرنے والی خواتین سے وعدہ کیا کہ وہ ان کا خط قونصل خانے تک پہنچائیں گی۔ انہوں نے ڈاکٹر عافیہ صدیقی کے بدلے شکیل آفریدی کے تبادلے کے بارے میں دریافت کیا۔پیغمبر اسلام محمد ﷺ نے مسلمان قیدیوں کی رہائی کیلئے قیدیوں کا تبادلہ کیا تھا۔ یہ نئی حکمت عملی امیدافزا ہے جسے سب سے پہلے معروف برطانوی صحافی ایوون ریڈلے نے تجویز کیا تھا جس پر پاکستانی حکومت کو عمل پیرا ہونا چاہئے۔

عزیر بلوچ کے مقدمات فوجی عدالت بھیجنے کا فیصلہ

عزیر بلوچ کے بھارتی خفیہ ایجنسی را سمیت دیگر ملک مخالف ایجنسیوں سے رابطوں کا انکشاف ہوا ہے، ذرائع

کراچی(نیوز اپ ڈیٹس)لیاری گینگ وار کے سرغنہ عزیر بلوچ پر قائم مقدمات کو فوجی عدالت بھیجنے کا فیصلہ کیا گیا ہے۔ذرائع کے مطابق لیاری گینگ وار کے سرغنہ عزیز بلوچ کے ملک دشمن سرگرمیوں میں ملوث ہونے کے انکشاف کے بعد ملزم کے کیسز فوجی عدالت بھیجنے کا فیصلہ کیا گیا ہے۔ذرائع نے بتایا کہ ملزم عزیر بلوچ نے بھارتی خفیہ ایجنسی” را“ اور ایرانی انٹیلی جنس ایجنسیوں سے بھی روابط کا اعتراف کیا تھا جبکہ ملزم کا پاکستان سے گرفتار بھارتی خفیہ ایجنٹ کلبھوشن یادیو سے بھی رابطوں کا انکشاف ہوا ہے۔ ذرائع کے مطابق محکمہ داخلہ سندھ نے عزیر بلوچ کے مقدمات کو فوجی عدالت منتقل کرنے کا فیصلہ کیا ہے۔دوسری جانب کراچی کی انسداد دہشت گردی کی خصوصی عدالت میں 2012 میں لیاری آپریشن کے دوران پولیس اہلکاروں سمیت 25 سے زائد افراد کی ٹارگٹ کلنگ سے متعلق 7 مختلف مقدمات کی سماعت ہوئی۔ سماعت کے دوران عدالت نے عزیر بلوچ اور اس کے ساتھیوں امین بلیدی، مشتاق خان، عبدالغفارعرف ماما اور رمضان عرف رمضانی پر فرد جرم عائد کردی تاہم ملزمان نے کمرہ عدالت میں صحت جرم سے انکارکردیا جس پر عدالت نے تفتیشی افسران اور گواہان کو نوٹس جاری کرتے ہوئے 24 اپریل کوطلب کرلیا۔

سندھ حکومت نے آئی جی پولیس اے ڈی خواجہ کو عہدے سے ہٹا دیا

سندھ حکومت اس سے قبل بھی اے ڈی خواجہ کو جبری رخصت پر بھیج چکی ہے

کراچی(نیوز اپ ڈیٹس)سندھ حکومت نے انسپکٹر جنرل آف پولیس اے ڈی خواجہ کو عہدے سے ہٹاکر ایڈیشنل آئی جی سردار عبدالمجید دستی کو قائم مقام آئی جی سندھ مقرر کردیا ہے۔ذرائع کے مطابق حکومت سندھ نے آئی جی پولیس اللہ ڈنو خواجہ کو عہدے سے ہٹا دیاہے جبکہ ان کی جگہ پولیس سروس کے گریڈ 21 کے افسر ایڈیشنل آئی جی سردار عبدالمجید دستی کو قائم مقام آئی جی سندھ مقرر کردیاہے جس کا نوٹی فکیشن بھی جاری کردیا گیا ہے۔ ذرائع کے مطابق آئی جی سندھ اے ڈی خواجہ کو عہدے سے ہٹانے کی کوئی ٹھوس وجوہات سامنے نہیں آسکی ہیں البتہ ان کی خدمات واپس وفاق کے سپرد کردی گئی ہیں۔اس سے قبل ہفتہ کو ہی سندھ حکومت نے اے ڈی خواجہ کی خدمات وفاق کے سپرد کرنے کی درخواست سیکرٹری اسٹیبلشمنٹ کو بھیجی تھی جس میں ساتھ ہی سندھ کے نئے آئی جی کے لیے چیئرمین اینٹی کرپشن سندھ غلام قادر تھیبو، ایڈیشنل آئی جی ٹریفک خادم حسین بھٹی اور ایڈیشنل آئی جی ریسرچ ڈیولپمنٹ اینڈ انسپیکشن سردار المجید کے نام تجویز کیے تھے تاہم وفاق کی جانب سے کوئی فیصلہ آنے سے قبل ہی صوبائی حکومت نے آئی جی کو تبدیل کردیا۔واضح رہے کہ سندھ حکومت کی اہم شخصیات اور اے ڈی خواجہ کے درمیان گزشتہ کئی ماہ سے چپقلش جاری ہے جبکہ سندھ پولیس میں بھرتیوں کے معاملے پر بھی حکومت اور اے ڈی خواجہ کے درمیان شدید اختلافات تھے جس کے باعث اس سے قبل بھی سندھ حکومت اے ڈی خواجہ کو جبری رخصت پر بھیج چکی تھی تاہم معاملہ عدالت میں جانے پر عدالتی حکم کے بعد اے ڈی خواجہ اپنے عہدے پر واپس آگئے تھے۔

پی آئی اے کے قائم مقام سی ای او نے اپنا نام ای سی ایل میں شامل ہونے کے باوجود آبائی وطن جانے کی کوششیں شروع کردی،ذرائع 

کراچی(نیوز اپ ڈیٹس) پی آئی اے کے قائم مقام سی ای او نے اپنا نام ای سی ایل میں شامل ہونے کے باوجود آبائی وطن جانے کی کوششیں شروع کردی ہیں۔انتظامیہ نے سی ای او کی چھٹی کی اجازت پرعمل درآمد موخر کردیاہے۔تفصیلات کے مطابق ایگزیکٹ کنٹرول لسٹ پر موجود پی آئی اے کے قائم مقام سی ای او برنڈ ہلڈن برنڈ نے ایک با ر پھر آبائی وطن جانے کی کوششیں تیز کردی ہیں، برنڈ ہلڈن برنڈ کی چھٹی کے لئے دی گئی درخواست کو مجاز اتھارٹیز نے جاری انکوئریز کی تکمیل تک موخر کردیاہے۔ذرائع کے مطابق سی ای او کے خلاف مذکورہ انکوائریز ایئر لائن کے لئے لیز پر حاصل طیاروں اور ایئر بس 310کی مبینہ فروخت کے حوالے سے جاری ہیں، انکوائریز ایف آئی اے کے علاوہ پی آئی اے کی دو رکنی ٹیم بھی کر رہی ہے۔ذرائع کے مطابق ایف آئی اے کی تحقیقات کے ضمن میں قائم مقام سی ای او کا نام ای سی ایل میں شامل کیا گیا تھا، مذکورہ الزامات کی تحقیقات کے حوالے سے وفاقی وزیرداخلہ چوہدری نثارعلی پریس کانفرنس بھی کر چکے ہیں۔ہلڈن برنڈ کی روانگی کے لئے ای سی ایل سے عارضی طور پر نام نکلوانے کے لئے سفارتی ذرائع بھی متحرک ہیں۔ ہلڈن برںڈ نے قومی ایئر لائن کی انکوائری کمیٹی کے سوالنامے کے جوابات بھی کچھ روز قبل دیئے ہیں۔ذرائع نے بتایا کہ مجاز اتھارٹیز کو قائم مقام سی او کی جانب سے یورپ کے ایک ایئرپورٹ پر آپریشن کے مجوزہ آغاز پر بھی تحفظات ہیں، اس کے علاوہ مذکورہ ایئر پورٹ پر قومی ایئر لائن کے مجوزہ آپریشن کے لئے پڑوسی ملک کی ایک کمپنی کی مبینہ دلچسپی بھی سامنے آئی ہے۔ذرائع کے مطابق مذکورہ کمپنی کی انتظامیہ میں قائم مقام سی ای او کے قریبی عزیز کی موجودگی کے بھی شواہد سامنے آئے ہیں۔

کراچی،مارکیٹ کمیٹی کے مرکزی دفتر پر چھاپے کے دوران گرفتار تین ملازمین کو تحقیقات میں تعاون کرنے کی یقین دہانی پر رہاکردیاگیا

کراچی(نیوز اپ ڈیٹس)مارکیٹ کمیٹی کے مرکزی دفتر پر چھاپے کے دوران گرفتار تین ملازمین کو تحقیقات میں تعاون کرنے کی یقین دہانی پر رہاکردیاگیاجبکہ تحقیقات کا دائرہ وسیع کردیا گیاہے۔تفصیلات کے مطابق گزشتہ روز مارکیٹ کمیٹی کے مرکزی دفتر میں اینٹی کرپشن کے افسر رتو خان جلبانی اور مجسٹریٹ وسیم احمد کی جانب سے چھاپہ مار کر تین ملازمین نثار سومرو ، جاوید خان اور ماموں کو حراست میں لیا گیا تھا جنہیں تحقیقات میں تعاون کی یقین دہانی کے بعد رہا کردیا گیا ہے اس سلسلے میں اینٹی کرپشن کے افسر رتو خان جلبانی نے بتایا کہ تحقیقات کا دائرہ وسیع کردیاگیا ہے ۔چیئرمین مارکیٹ کمیٹی کو طلب کیا ہے لیکن وہ پیش ہونے سے کترا رہے ہیں ، سبزی منڈی میں دکانوں کی الاٹمنٹ میں بڑے پیمانے پر گھپلے کی تحقیقات میں جو بھی ملوث پایا گیا اس کے خلاف کارروائی ہوگی ، دوسری جانب مارکیٹ کمیٹی کے چیئرمین حاجی علی احمد جوکھیو نے رابطہ کرنے پر بتایا کہ اینٹی کرپشن ماضی کی انتظامیہ ایڈمنسٹریٹر مارکیٹ کمیٹی انور گوپا نگ اور شاہنواز کے دور میں کےے گئے گھپلوں کی تحقیقات کر رہے ہیں جس سے ہمارا کوئی تعلق نہیں ہے ، انہوں نے کہا کہ ہمارے تین ملازمین کو گرفتار نہیں کیا گیا لیکن ہم نے خود انہیں مشیر نامے کیلئے بھیجا تھا جو واپس آگئے ہیں ، انہوں نے کہا کہ اینٹی کرپشن کے ساتھ تحقیقات میں ہر ممکن تعاون کریں گے ۔

گرین لائن منصوبہ رواں برس کے آخر میں مکمل ہو جائے گا، گورنر سندھ 

 شہریوں کو جد ید ترین سفری سہولیات حاصل ہو نگی ،وفاقی حکومت کا کراچی کے شہریوں کے لئے یہ تحفہ ہے، محمد زبیر
امسال نجی شعبہ میں 50 ہزار روزگار کے مواقع پید ا ہونگے ،گرین لائن منصوبہ کی بریفنگ کے موقع پر میڈیا سے گفتگو 

کراچی (نیوز اپ ڈیٹس)گورنر سندھ محمد زبیر نے کہا ہے کہ وفاقی حکومت کے تعاون سے تکمیل کے آخری مراحل میں جاری گرین لائن منصوبہ کراچی کے عوام کے لئے وفاقی حکومت کا تحفہ ہے ، منصوبہ رواں برس کے اگورنر سندھ محمد زبیرختتام تک مکمل کرلیا جائے گا جس کی تکمیل سے شہریوں کو جد ید ترین سفری سہولیات حاصل ہو سکیں گی ۔ انہوں نے کہا کہ بغیر منصوبہ بندی کے پھیلتے شہر میں جہاں دیگر مسائل نے جنم لیا وہاں ٹریفک کے گھمبیر مسائل بھی ابھر رہے ہیں گرین لائن منصوبہ تیز ترین ذرائع آمد ورفت ، ٹریفک کے دباﺅ کو کم کرنے اور معاشی و سماجی سرگرمیوں میں اضافہ میں معاون ثابت ہوگا ۔ ان خیالات کا اظہار انہوں نے بورڈ آفس چورنگی پر گرین لائن کے بارے میں ایک بریفنگ کے بعد میڈیا سے بات چیت کرتے ہوئے کیا ۔ اس موقع پر سینیٹر نہال ہاشمی بھی موجود تھے ۔ گورنر سندھ کو کراچی انفرااسٹرکچر ڈیویلپمنٹ کمپنی کے سربراہ محمد صالح احمد فاروقی نے زیر تکمیل منصوبہ کے مختلف مراحل پر پیش رفت کے بارے میں تفصیل سے آگاہ کیا ۔ انہوں نے بتایا کہ منصوبہ پر کام طے شدہ شیڈول کے تحت ہو رہا ہے اور مقررہ وقت پر مکمل کرلیا جائے گا ، منصوبہ کے پہلے تین حصوں پر 80 تک کام مکمل ہو چکاہے جبکہ اس کے چوتھے اور پانچویں حصہ پر بھی کام کا آغاز کردیا گیا ہے ۔ گورنر سندھ نے منصوبہ کی رفتار پر اطمینان کا اظہار کرتے ہوئے کہا کہ وہ بورڈ آفس پر زیر تعمیر انٹر چینج کے افتتاح کے لئے وزیر اعظم پاکستان سے درخواست کرینگے ۔ انہوں نے کہا کہ انفرااسٹرکچر کی بہتری وفاقی حکومت کی اولین ترجیح ہے اس ضمن میں وزیر اعظم صوبہ کا 6مرتبہ دورہ بھی کرچکے ہیں وزیر اعظم کی خواہش ہے کہ صوبہ میں معاشی و اقتصادی ترقی کے ساتھ ساتھ عوام کو جدید اور موئثر سہولیات بھی فراہم کی جائیں ، وزیر اعظم نے دورہ حیدرآباد میں میٹرو بس منصوبہ کا اعلان کیا تھا اس منصوبہ کی فزیبلٹی رپورٹ تیار کی جارہی ہے جلد اس منصوبہ پر کام کا جلد آغاز کردیا جائے گا اس کے علاوہ وزیر اعظم صوبہ میں ذرائع آمد و رفت ، تعلیم ، صحت ، انفرااسٹرکچر اور معاشی و اقتصادی ترقی پر بھرپور توجہ دے رہے ہیں ۔ گورنر محمد زبیر نے کہا کہ حکومت نجی شعبہ کی حوصلہ افزائی اور انفرااسٹرکچر پر خصوصی توجہ مرکوز کئے ہوئے ہے حکومتی اقدامات کے باعث اس برس نجی شعبہ میں 50 ہزار سے زائد روزگار کے مواقع پیدا ہونگے جس سے بے روزگاری کی شرح میں بھی کمی واقع ہو گی ۔ انہوں نے کہاکہ ملک کے معاشی حب کراچی میں گرین لائن ، K-IV ، لیاری ایکسپریس وے اور کراچی تا حیدرآباد موٹر وے سمیت دیگر منصوبوں کی تکمیل سے عوام کو ذرائع آمد و رفت کی فراہمی کے ساتھ ساتھ دیگربنیادی سہولیات کی دستیابی سے ان کی زندگیوں میں بھی نمایاں بہتری آئے گی۔ انہوں نے کہا کہ صوبہ کے عوام بھی لاہور اور راولپنڈی کی طرز پر جدید اور معیاری ذرائع آمد رفت کی سہولیات کے خواہش مند ہیں ، صوبہ میں معیاری اور اچھی ٹرانسپورٹ کے فقدان کے باعث عوام بسوں کی چھت پر اور لٹک کر سفر کرنے پر مجبور ہیں ۔ انہوں نے کہا کہ صوبہ با الخصوص کراچی میں قیام امن کے بعد حکومت کا پورا فوکس عوامی فلاح و بہبو د کے کاموں پر مرکوز ہے تاکہ عوام کو آپریشن کے باعث ہونے والے امن و امان کے ثمرات حاصل ہو سکیں صوبہ کے عوام کو جدید اور معیار سفری سہولیات کے ساتھ پینے کے صاف پانی اور دیگر سہولیات کی فراہمی کے لئے وفاقی حکومت بھی ہر ممکن تعاون فراہم کررہی ہے ، وفاقی اور صوبائی حکومتوں کے اشتراک سے جاری منصوبوں کی تکمیل سے کراچی کے عوام کو سہولیات کی فراہمی کے اثرات جلد نظر آنا شروع ہو جائیں گے۔

کراچی کے علاقے کورنگی کے قبرستان سے اسلحے کا بڑا ذخیرہ برآمد

اسلحہ پہلے سے گرفتار سیاسی جماعت کے ایک کارکن کی نشاندہی پر برآمد کیا گیا،رینجرزذرائع

کراچی ( نیوز اپ ڈیٹس)پاکستان رینجرزسندھ نے گرفتار سیاسی جماعت کے کارکن کی نشاندھی پرکورنگی کے علاقے باغ کورنگی کے قبرستان میں کارروائی کرکے زیر زمین چھپایا گیا اسلحے کا بڑا ذخیرہ برآمد کر لیاہے۔رینجرزذرائع کے مطابق رینجرز نے ایک سیاسی جماعت کے گرفتار کارکن کی نشاندہی پر کراچی کے علاقے باغ کورنگی کے قبرستان میں کارروائی کی اور زیر زمین چھپایا گیا اسلحے کا بڑا ذخیرہ برآمد کر لیا۔رینجرز ذرائع کے مطابق قبرستان سے برآمد ہونے والے اسلحے میں ایس ایم جیز، ایل ایم جیز، رائفل اور سینکڑوں کی تعداد میں گولیاں برآمد کی گئی ہیں۔

کراچی پر وہ لوگ قابض ہیں جن کے پاس شہر کا مینڈیٹ ہی نہیں، وسیم اختر

سندھ میں جو ٹیکس وصول ہورہا ہے وہ صرف کراچی کے شہری دے رہے ہیں، میئر کراچی

 کراچی(نیوز اپ ڈیٹس)میئر راچی وسیم اخترنے کہاہے کہ بدقسمتی سے اس شہر پر وہ لوگ قابض ہیں جن کے پاس خود کراچی کا کوئی مینڈیٹ نہیں ہے۔کراچی کے مقامی ہوٹل میں تیسری عالمی کانفرنس برائے ماحولیات، صحت اور تحفظ سے بحیثیت مہمان خصوصی خطاب کرتے ہوئے وسیم اختر نے کہا کہ ماسٹر پلان، واٹر بورڈ، ٹرانسپورٹ، بلڈنگ کنٹرول اتھارٹی، سالڈ ویسٹ مینجمنٹ بورڈ حکومت سندھ کے پاس ہے، لاڑکانہ، میرپور خاص، نواب شاہ، سیہون سب کا برا حال ہے، ہمارے پاس تجربے کار اور باصلاحیت ٹیم ہے اس ٹیم کو استعمال کریں اور کراچی کے مسائل حل کریں، بدقسمتی سے اس شہر پر وہ لوگ قابض ہیں جن کے پاس خود کراچی کا کوئی مینڈیٹ نہیں ہے۔میئر کراچی نے کہا کہ دنیا میں سب سے مضبوط بلدیاتی حکومت ہوتی ہے، وزیراعلی سندھ کو کراچی کے مسائل کے حل کے لیے درخواستیں بھیجیں، آج تک جواب نہیں آیا، ہم چاہتے ہیں ہ وہ کامیاب ہوں مگر پیپلزپارٹی کے لوگوں کے بھی ہاتھ باندھے ہوئے ہیں۔ انہوں نے کہا کہ سندھ میں جو ٹیکس وصول ہورہا ہے وہ صرف کراچی کے شہری دے رہے ہیں، وڈیرے ٹیکس نہیں دے رہے۔وسیم اخترنے کہاکہ کراچی عمارتوں کا جنگل بن گیا ہے، لوکل گورنمنٹ کو جو ملنا چاہیے تھا وہ نہیں مل رہا، کراچی اس کی سزا بھگت رہا ہے جب عوام کو کوئی نہ دیکھے تو انہیں خود اپنے حقوق کے لیے اٹھنا پڑے گا۔

درجنوں طالبات کی داعش میں شمولیت نے حکم رانوں اور ریاستی اداروں پر سوالیہ نشان لگا دیا ہے،ایم ڈبلیو ایم

پولیس حکام کے بیانات بتاتے ہیں کہ داعش سندھ کے تعلیمی اداروں میں نیٹ ورک مضبوط کرچکی ہے، میثم عابدی
طالبہ کا داعش میں شمولیت کیلئے حیدرآباد سے لاہور جانا ثابت کرتا ہے پورے ملک میں دہشتگردوں کے سہولت کار موجود ہیں، علامہ مبشر حسن
سندھ میں آپریشن ردالفساد اور نیشنل ایکشن پلان کو ناکامی سے بچانے کیلئے داعش کے عزائم ناکام بنانے ہونگے، علامہ صادق جعفری
کراچی سمیت سندھ بھر کے تعلیمی اداروں میںکالعدم تنظیموں اور انکے سہولت کاروں کیخلاف آپریشن کیا جائے، علامہ علی انور
پاکستان میں داعش کے وجود نہ ہونے کے تمام دعوے دھرے کے دھرے ثابت ہوگئے، تقی ظفر

کراچی (نیوز اپ ڈیٹس) مجلس وحدت مسلمین پاکستان کراچی ڈویژن کے سیکریٹری جنرل سید میثم رضا عابدی نے کہا ہے کہ سندھ پولیس کے اعلیٰ افسران کیجانب سے حیدرآباد سے لاپتہ میڈیکل کی طالبہ اور کراچی سمیت سندھ بھر سے درجنوں طالبات کی عالمی دہشتگرد گروہ داعش میں شمولیت اور شام جانے کے انکشاف نے پاکستان میں داعش کی موجودگی اور پاکستانی نوجوانوںکی اس میں شمولیت سے انکاری ریاستی اداروں کی کارکردگی اور دعوو ¿ں پر سوالیہ نشان لگا دیا ہے، ان خیالات کا اظہار انہوں نے وحدت ہاو ¿س کراچی میں ہنگامی کابینہ اجلاس سے خطاب کرتے ہوئے کیا، اجلاس سے علامہ مبشر حسن، علامہ صادق جعفری، علامہ اظہر نقوی، علامہ علی انور جعفری، میر تقی ظفر و دیگر نے بھی خطاب کئے۔ اجلاس سے خطاب کرتے ہوئے ایم ڈبلیو ایم کراچی کے رہنماو ¿ں نے کہا کہ لیاقت میڈیکل یونیورسٹی حیدرآباد کی طالبہ کی پاکستان سے شام جاکر داعش میں شمولیت کا انکشاف اگر حقیقت ثابت ہوتا ہے، تو ملک وقوم کیلئے لمحہ فکریہ ہوگا اور قومی سلامتی کے اداروں کی کارگردگی پر ایک سوالیہ نشان ہوگا، پاکستان میں داعش کا وجود نہیں،داعش کو پاکستان میں قدم رکھنے نہیں دینگے، داعش یہاں اپنا سکہ نہیں جما سکتی، جیسے سب دعوے دھرے کے دھرے ثابت ہوں گے۔ انہوں نے کہا کہ سندھ پولیس کے اعلیٰ افسر نے حیدرآباد کی طالبہ کے شام جانے اور داعش میں شمولیت سے متعلق انکشافات ثابت کرتا ہے کہ داعش سندھ میں اپنا نیٹ ورک اتنا مضبوط کرچکی ہے کہ اب تعلیمی اداروں میں اپنے نظریات کی وسیع پیمانے پر تشہیر کرچکی ہے اور سادہ لوح نوجوانوں کے ساتھ ساتھ اعلیٰ تعلیمی اداروں کی طالبات بھی اس کے جال میں پھنس رہے ہیں، ایک طالبہ کو داعش کیلئے تیار کرنے میں کئی سہولت کار عناصر ملوث ہوں گے، طالبہ کا حیدرآباد سے لاہور جانا، اس بات کی گواہی دیتا ہے کہ دہشتگرد گروہ داعش کے سہولت کار پورے ملک میں موجود ہیں۔ رہنماو ¿ں نے کہا کہ سندھ بھر کی درجنوں طالبات کے داعش میں شامل ہونے کو بھی محض افواہ قرار دے کر نظرانداز نہیں کیا جا سکتا ہے، تعلیمی اداروں کی صورت حال بہت زیادہ تشویشناک ہے اور اندرون سندھ داعش سمیت کئی شدت پسند گروہ سرگرم عمل ہیں اور یہ گروہ خاموشی سے پروفیشنل یونیورسٹیوں سمیت اعلیٰ تعلیمی اداروں کے طلبہ و طالبات کے درمیان تیزی کام کر رہے ہیں اور انہیں اپنی جانب راغب کر رہے ہیں۔ انہوں نے کہا کہ ملکی سلامتی کے ذمہ دار اداروں، وفاقی و صوبائی حکومت کو آپریشن ردالفساد اور نیشنل ایکشن پلان کو ناکامی سے بچانے کیلئے داعش کے حوالے سے بھی سنجیدگی سے سوچنا ہوگا، ان کے عزائم کو فی الفور ناکام بنانا ہوگا، یونیورسٹیز اور تعلیمی اداروں میں جہاں کہیں ان کے سہولت کاروِں کے موجود ہونے کا انکشاف ہو، ان کے خلاف سخت کاروائی کی جائے، کیونکہ کچھ عرصہ قبل تک وزارت داخلہ پاکستان میں داعش کے وجود سے بھی انکاری تھی، لیکن اب داعش کی جانب سے پاکستان میں کارروائیوں کی ذمہ داری قبول کرنے اور تعلیمی اداروں کے طلبہ و طالبات کو اپنے جال میں پھنسا کر اپنے دہشتگرد نیٹ ورک کا حصہ بنانے کے بعد وزارت داخلہ کا مو ¿قف غلط دکھائی دے رہا ہے۔

پاکستان اللہ کا انعام ہے ،رہتی دنیا تک قائم و دائم رہیگا ۔ڈاکٹر رشید زمان

یوم قرار داد پاکستان وطن سے تجدید عہد وفا کا دن ہے ۔حنیف اللہ 

کراچی والنٹیئر ویلفیئر ایسوسی ایشن کے تحت لانڈھی انڈسٹریل ایریامیں یوم پاکستان کی تقریب سے خطاب

کراچی (نیوز اپ ڈیٹس) کراچی والنٹیئر ویلفیئر ایسوسی ایشن کے روح رواں ممتاز طبی ماہر ڈاکٹر رشید زمان نے کہاکہ پاکستان روح زمین پر اللہ کا انعام ہے کلمہ طیبہ کے نام سے قائم ہونے والی یہ پاک دھرتی رہتی دنیا تک قائم و دائم رہے گی ان خیالات کا اظہار انہوں نے کراچی والنٹیئر ویلفیئر ایسوسی ایشن کے زیر اہتمام لانڈھی انڈسٹریل ایریا میں یوم پاکستان کے حوالے سے منعقدہ شایان شان تقریب سے خطاب کرتے ہوئے تقریب سے فنانس سیکریٹری حنیف اللہ نے بھی خطاب کیا تقریب میں سرکاری و نجی اسکولوں کے بچوں نے قومی و ملی نغمے اور یوم قرار داد پاکستان کی مناسبت سے ٹیبلو بیش کئے ڈاکٹر رشید زمان نے نوجوانوں پر زور دیا کہ وہ ملک کی ترقی اور اس کی سلامتی کے لئے اپنی کاوشوں اور صلاحیتوں کو بروئے کار لائیں ،کراچی والنٹیئر ویلفیئر ایسوسی ایشن کے فنانس سیکریٹری حنیف اللہ نے تقریب سے خطاب کرتے ہوئے کہاکہ یوم قراداد پاکستان وطن سے تجدید عہد وفا کا دن ہے ہمیں آج یہ عہد کرنا ہوگا کہ ہم اپنے پاک وطن کی حفاظت اور اس کی ترقی کے لئے علم کو حصول ممکن بنا ئیں اور اس کے فروغ کے لئے اپنی کاوشوں کو بروئے کار لائیں ۔

حسین حقانی سے متعلق سابق وزیراعظم گیلانی کا خط منظر عام پرآگیا، خط کے مطابق 2010میں امریکی آفیشلز کوویزے جاری کرنے کی خصوصی اجازت دی گئی،وزیر اعظم ہاﺅس کی اس وقت کی پرنسپل سیکریٹری نرگس سیٹھی نے اجازت نامے پر دستخط کیے، ایبٹ آباد کمیشن کی رپورٹ منظرعام پر لائی جائے، رپورٹ آنے پر تمام سوالوں کے جواب مل جائیں گے،پیپلز پارٹی

اسلام آباد(نیوز اپ ڈیٹس)حسین حقانی کے اختیارات سے متعلق سابق وزیراعظم گیلانی کا متنازع خط منظرعام پر آگیا ۔ خط کے مطابق حسین حقانی کو 2010میں امریکی آفیشلز کوویزے جاری کرنے کی خصوصی اجازت دی گئی۔پیپلز پارٹی کاکہناہے کہ ایبٹ آباد کمیشن کی رپورٹ منظرعام پر لائی جائے، رپورٹ آنے پر تمام سوالوں کے جواب مل جائیں گے۔وزیر اعظم ہاﺅس کی اس وقت کی پرنسپل سیکریٹری نرگس سیٹھی نے اجازت نامے پر دستخط کیے ۔ حسین حقانی کو معاملے پر وزیر اعظم ہاﺅس کو رپورٹ کرنے کے لیے کہا گیا۔پیپلز پارٹی کے رہنما فرحت اللہ بابر نے خط پر رد عمل ظاہر کرتے ہوئے کہا ہے کہ پیپلز پارٹی دور میں ایک بھی ویزا طریقہ کارکے بغیر جاری نہیں ہوا،اس معاملے کی مکمل چھان بین ہونی چاہیے۔انہوں نے کہا کہ یہ سوالات ایبٹ آباد کمیشن میں بھی اٹھائے گئے تھے اسکی رپورٹ منظرعام پرلائی جائے۔

نا درا میگا سینٹرز کا فیصلہ خوش آئند ہے،مگر چھوٹے سینٹرز بند نہ کیا جائے

بعض سینٹرز میں ایجنٹ ما فیاعوامی مشکلات کا باعث ہیں۔انتخاب سوری 

کراچی (نیوز اپ ڈیٹس) کراچی میں نادراکے موجودہ دفاتر کو بند کیے بغیر نادرا میگا سینٹرزکا قیام فوری عمل میں لایا جائے۔انسانی حقوق کی سر گرم تنظیم ہیومن رائٹس نیٹ ورک کے صدر انتخاب عالم سوری ،جنرل سیکریٹری شہزاد مظہر اورجوائنٹ سیکریٹری خالد اخترنے ایک مشترکہ بیان میںوفاقی حکومت سے مطالبہ کرتے ہوئے کہا کہ نادرہ کے میگا سینٹرز کا قیام ناگزیر ہوچکا ہے تاہم اس کی آڑ میں موجودہ دفاتر بند کرنامظلوم عوام کے ساتھ مزید ظلم و زیادتی ہو گا۔انھوں نے مزید کہاکہ ایک اطلاع کے مطابق نادرا کے قائم دفاتر تیموریہ، فائیو اسٹار چورنگی ، عا ئشہ منزل ، نصیر آبادکو بند کر کے میگا سینٹر قا ئم کیا جارہا ہے ،مگر ہمارا موقف یہ ہے کہ ان سینٹرز کو بند نہ کیا جائے کیو نکہ عوام کیلئے اس سے شدید دشواریاں پیدا ہوں گی۔ جبکہ میگا سینٹر اس کے علاوں قا ئم کیا جائے ۔اطلاع کے مطا بق شہر میں اور بھی چھوٹے سینٹر ز کو بند کر نے پر غور کیا جارہاہے ۔ اگر ان کو بند کیا گیا تو اس سے بھی علاقوں میںرہائش پزیر غریب اور متوسط طبقے کو شدید مشکلات کا سامنا کر نا پڑ ے گا۔انتخاب سوری کامزیدکہناتھاکہ عوامی مرکز، ملیر 15 ، سعودآباد،لیاری ، لیا قت آباد، کو رنگی ، سائٹ ایریا کے نا درا کے دفاتر میں عملہ اور ایجنٹ مافیا کی ملی بھگت سے شہریوں کو شناختی کارڈ کے حصول میں شدید پریشانی کا سامنا کرنا پڑر ہاہے۔

عوام کی پریشانی کو مدنظر رکھتے ہوئے نالے کا تعمیراتی کام تیز کیا جائے: جان محمد بلوچ 

کراچی(نیوز اپ ڈیٹس) چیئرمین بلدیہ ملیر جان محمد بلوچ نے کہا ہے کہ ملیر 15سے ملیر ندی تک نالے اور روڈ توسیع کی سست روی سے جاری کام پر چیف انجینئر کنسلٹنٹ اور کنٹریکٹر کو طلب کرکے شدید ناراضگی کا اظہار کرتے ہوئے کہا کہ روڈ اور نالے کی وجہ سے عوام کو بہت مشکلات کا سامنا ہے اس منصوبے کو جلد از جلد مکمل کیا جائے تاکہ عوام کو سفری سہولیات میسر ہوں ۔ اس موقع پر وائس چیئرمین عبدالخالق مروت ، میونسپل کمشنر عمران اسلم بھی موجود تھے۔ چیئرمین بلدیہ ملیر میونسپل کمشنر کو ہدایت دی کہ اعلیٰ حکام کو لیٹر لکھیں کہ مزکورہ افسران کی عدم توجہ کی وجہ سے عوام پریشان ہیں گاڑیوں کا گزرنا مشکل ہو گیا ہے، چیف انجینئر اور کنٹریکٹر نے چیئرمین بلدیہ ملیر جان محمد بلوچ کو بریفنگ دیتے ہوئے بتایا کہ منصوبے کی تاخیر کی وجہ فنڈ کا وقت پر ریلیز نہ ہونا ہے، کنٹریکٹر نے کہا کہ محکمہ فائل تیار نہیں کر رہا ہے، اگر مجھے فنڈ وقت پر مل جائے تو میں یہ منصوبہ 20دن میں مکمل کر دونگا، چیئرمین نے اپنے تعاون کا یقین دلاتے ہوئے کہا کہ آپ مجھے بتائیں کہ بات کس سے کرنی ہے چیف انجینئر نے بتایا کہ نالے کا باقی کام تیزی سے جاری ہے، نالا مکمل ہوتے ہی روڈ کارپیٹنگ شروع کر دینگے، چیئرمین نے چیف انجینئر کو ہدایت دیتے ہوئے کہا کہ دن رات کام کیا جائے تاکہ روڈ توسیع اور نالے کا کام جلد مکمل کیا جائے۔

مارٹن ڈاؤ فارماسیوٹیکلز کا مے میک، فرانس میں افتتاح

کراچی (نیوز اپ ڈیٹس) مارٹن ڈاؤ فارما سیوٹیکل نے فرانس کے شہر مے میک میں اپنے پلانٹ کا باضابطہ طور پر افتتاح کردیا ہے۔مارٹن ڈاؤ فارماسیوٹیکل نے اپنی پیداواری صلاحیت اور سرگرمیوں میں مکمل طور پر اضافے اور آنے والے مہینوں اور سالوں میں therapeutic(زخم بھرنے کی دوائیں) کے شعبے جیسے oncology اور اینٹی بائیوٹکس میں توسیع کا منصوبہ بنایا ہے۔ مارٹن ڈاؤ کو فرانس کے علاقائی اور ڈیپارٹمنٹل منتخب نمائندگان اور حکومت کی جانب سے سراہے جانے کے ساتھ ساتھ اس کی بھرپور حمایت بھی کی گئی۔ سائٹ اور اس کے ملازمین کیلئے اس یادگار دن کے موقع پر جمہوریہ فرانس کے صدر فرینکوئس ہولینڈ نے دورہ کیا اور مے میک سائٹ کا افتتاح کیا۔اس وقت مارٹن ڈاؤ فارما سیوٹیکل کا مے میک پلانٹ ٹھوس ادویہ (کیپسول، ٹیبلیٹ، پاؤڈرز) کی تیاری میں مہارت رکھتا ہے اور صف اول کی فارماسیوٹیکل صنعت میں فرانسیسی اور عالمی کلائنٹس(بشمول پاکستان) کیلئے کانٹریکٹ کی بنیاد پر ادویہ تیار کرنے والوں میں ممتاز مقام رکھتا ہے۔اس کے ساتھ ساتھ کمپنی یورپ، وسط ایشیا، مشرق بعید، مشرق وسطیٰ اور جنوبی امریکا میں میں اپنے برانڈز کی مارکیٹ کرنے کا ارادہ رکھتی ہے۔فارماسیوٹیکل کی دنیا میں آکھائی خاندان نے 1960 میں اس وقت قدم رکھا جب ستار آکھائی نے فارماسیوٹیکل ڈسٹری بیوشن کمپنی کی بنیاد رکھی۔ 1995 میں ان کے بیٹے جاوید آکھائی نے اس کاروبار کو مزید توسیع دیتے ہوئے ڈسٹری بیوشن سے آگے بڑھایا اور مارٹن ڈاؤ فارماسیوٹیکل پاکستان لمیٹیڈ کی بنیاد رکھی۔ چند سال بعد 2000 میں جاوید آکھائی نے لاہور میں پہلا پیداواری فارماسیوٹیکل پلانٹ لگایا۔ جاوید آکھائی کا کاروبار ترقی کرتا گیا اور 2010 میں مارٹن ڈاؤ نے کراچی میں "روش (Roche)" کی پیداواری سہولت حاصل کی جس کے ساتھ ہی کمپنی نے پاکستان کی فارماسیوٹیکل صنعت میں ایک کامیاب کھلاڑی کی حیثیت سے قدم رکھا۔ 2016 میں مَرک (Merck) پرائیویٹ لمیٹڈ میں مرک جرمنی کے زیادہ تر شیئرز کے حصول کے ساتھ کمپنی نے ملک کی فارماسیوٹیکل صنعت میں کامیابی کی ایک اور منزل طے کی۔ مارٹن ڈاؤ گروپ پاکستان کی فارماسیوٹیکل صنعت میں پانچویں نمبر پر موجود ہے۔مارٹن ڈاؤ گروپ کے چیئرمین جاوید آکھائی اس تاریخی موقع پر فرانسیسی صدر کی موجودگی سے بہت مسرور ہیں جو ان کے لیے اور پاکستان کے لیے بھی ایک یادگار موقع ہے۔

جرائم کی روک تھام کیسے؟ پولیس کی قیمتی گاڑیاں افسران کے اہل خانہ کے زیر استعمال

کروڑوں روپے کی موبائل بکتر بند بھی علاقوں میں گشت کے بجائے با اثر افسران نجی استعمال میں رکھنے لگے

کراچی (نیوز اپ ڈیٹس)محکمہ سندھ پولیس میں پولیس موبائلوں کی شدید قلت اور قیمتی کاروں کا افسران کے زیر استعمال ہونے کے انکشاف کے بعد سندھ پولیس کے شعبہ حساس معلومات نے گاڑیوں کی تفصیلات جمع کرنا شروع کردی ہیں۔ کروڑوں روپے کی گاڑیوں کی سالانہ خریداری کے باوجو د تھانوں میں پولیس کے پاس گشت کیلئے گاڑیاں موجود نہیں ہیں۔ اعلی افسران نے تعلقات استعمال کرنے کے ساتھ دبا ڈال کر نئی گاڑیاں گھروں پراہل خانہ کیلئے کھڑی کررکھی ہیں۔ چند ماہ قبل محکمے میں شامل کی جانیوالی موبائل بکتر بند بھی تھانوں کے بجائے افسران کے نجی استعمال میں ہیں۔ پولیس ذرائع کا کہنا ہے کہ آئی جی سندھ نے مذکورہ معاملے کا نوٹس لیتے ہوئے تحقیقات کا بھی حکم دیا ہوا ہے۔

گرین اسٹارسوشل مارکیٹنگ کی گیارہویں SAFOG کانفرنس میں شرکت

کراچی (نیوز اپ ڈیٹس) پاپولیشن سروسز انٹرنیشنل کا خود مختار رکن گرین اسٹار سوشل مارکیٹنگ (گرین اسٹار ) دو سالہ گیارہویں ساو ¿تھ ایشین فیڈریشن آف آبسٹیٹرکس اینڈ گائناکولوجی کانفرنس (SAFOG Conference) میں شرکت کی۔ کانفرنس کا موضوع ’خواتین کی صحت میں بہتری-پرانے مسائل ، نئے حل ‘ پر ہونے والی یہ کانفرنس لاہور میں تین روز تک جاری رہے گی۔رائل کالج آف آبسٹیٹریشینزاینڈ گائناکولوجسٹس کے سابق صدر اور انٹرنیشنل فیڈریشن آف گائناکولوجی اینڈ آبسٹیٹرکس اور برٹش میڈیکل ایسو سی ایشن کے منتخب صدر سر سبراتنم ارولکمارا (Sir Sabaratnam Arulkumaran) نے گرین اسٹار کی جانب سے ’جوابی ایشیا میں مانع حمل ادویات کی موجود ہ شرح کو بہتر بنانے کی جدوجہد‘ کے عنوان سے ہونے مکمل سیشن اور گرین اسٹار کے چیف ایگزیکٹو آفیسر ،ڈاکٹر سید عزیز الرّب نے ’ کونسلنگ اینڈ میڈیکل کمیونیکیشن اسکلز‘ کے عنوان سے منعقدہ ایک ورکشاپ کی میزبانی کے فرائض انجام دئیے۔دو سالہ کانفرنس سے خطاب کرتے ہوئے ڈاکٹر سید عزیز الرّب نے کہا: ” گیارہویں سیفوگ کانفرنس میں شرکت ہمارے لیے ایک اعزاز ہے۔ اس سے ہمارے نیٹ ورک میں شامل ہیلتھ پروائیڈرز کو سیکھنے اوراپنی مہارت کو بہتر بنانے کا موقع ملے گا ۔ ان کی مہارت اور ترغیب میں اضافہ پاکستان میں خواتین کو خدمات فراہم کرنے کے لیے بہت اہم ہے۔“سیفوگ کانفرنس کی آرگنائزنگ کمیٹی کی چیئر، پروفیسر روبینہ سہیل نے کہا:“یہ کانفرنس جنوبی ایشیا میں خواتین کی دیکھ بھال کے لیے باہمی تعاون کے ذریعہ تعلیم اور اہلیت پر مبنی تربیت کے بارے میں ہے۔ ہمارا مقصد نہ صرف نوجوان میڈیکل پریکٹشنرز کے لیے دلچسپی کا ماحول پیدا کرنا، نئے دوست بنانا اورعالمی معلومات کو شیئر کرنا ہے۔“پروفیسر روبینہ سہیل نے مزیدکہا:“میں تعاون کرنے والے ان تمام اداروں اور افراد کا سیفوگ کی جانب سے شکریہ ادا کرتی ہوں نہوں نے اس کانفرنس کو کامیاب بنانے کے لیے سخت محنت کی اور بالخصوص گرین اسٹار، یونیسیف، یو این ایف پی اے، آئی پاس، لائف، امن فاو ¿نڈیشن اور ایسپائر کاخصوصی طور پر شکریہ ادا کرتی ہوں۔”سیفوگ کانفرنس ہر دوسال بعد منعقد ہوتی ہے اور اس کا اہتمام میزبان ملک کی آبسٹیٹرکس اینڈ گائناکولوجی سوسائٹی کرتی ہے۔سیفوگ کی جانب سے اس اقدام کا بنیادی مقصد خواتین کی صحت بنانے کے لیے مشترکہ مسائل اور ہر ملک کی جانب سے منفرد حل سمیت باہمی تعاون اور تبادلہ خیال کے لیے پلیٹ فارم مہیا کرنا ہے۔توقع ہے اس کانفرنس میں پاکستان سمیت جنوبی ایشیا اور دنیا کے دیگر ممالک سے 2,000 سے زائد مندوبین شرکت کریں گے۔ کانفرنس کے تینوں دن دائیوں (midwives)کے علاوہ زچگی اور عورتوں کے امراض کی تربیت حاصل کرنے والوں کے لیے خصوصی سیشنز بھی منعقد ہوں گے۔ ان سیشنز میں خواتین کی صحت کے لیے جدید علاج کے حوالے سے عالمی ماہرین شرکاءکو موقع پر ہی مشورے فراہم کریں گے اور صحت کے پرانے مسائل کے لیے دستیاب جدید علاج کے بارے میں ان کے خدشات بھی دور کریں گے۔

اقتصادی راہداری سے جی ڈی پی میںتین گنا اضافہ ہو جائے گا،میاں زاہد حسین 

مچھیروں کی بستی گوادر ایک کام یاب اکنامک ماڈل کے طور پر ابھرے گا،صدر کراچی انڈسٹریل الائنس 

کراچی (نیوز اپ ڈیٹس)پاکستان بزنس مین اینڈ انٹلیکچولز فور م وآل کراچی انڈسٹریل الائنس کے صدر ،بزنس مین پینل کے سینیئر وائس چےئر مےن اور سابق صوبائی وزیر میاں زاہد حسین نے کہا ہے کہ اقتصادی راہداری پاکستان کی قسمت بدلنے والا منصوبہ ہے مگر اس سلسلے میںسازشیوں کے سبب پاکستان کی کاروباری برادری اس سے بھرپور فائدہ نہیں اٹھا سکے گی۔ اس منصوبے کی تمام ترتفصیلات عام کی جائیں تاکہ پاکستانی اور غیر ملکی سرمایہ کاروںسمیت تمام شراکت داروں کا اعتماد بحال ہو اور وہ اس میں کھلے دل سے حصہ لے سکیں۔ میاں زاہد حسین نے یہاں جاری ہونے والے ایک بیان میں کہا کہ پاکستان کے ماحول کو مزید کاروبارد وست بنانے کی ضرورت ہے تاکہ سرمایہ کاری کو فروغ ملے۔ سی پیک کے آپریشنل ہونے سے قبل اور آپریشنل ہونے کے بعد نت نئے مواقع سامنے آئیں گے، اس سے بے روزگاری کم ہو گی جبکہ راہداری کے آپریشنل ہونے کے بعد ملکی جی ڈی پی پندرہ فیصد تک پہنچ سکتا ہے جو بجز اس منصوبہ کے ممکن ہی نہیں ہے۔ جی ڈی پی میں تین گنا اضافے سے ملک میں تعمیر و ترقی کے نئے دور کا آغاز ہو گا اور کوئی غریب نہیں رہے گا جبکہ دیگر ممالک سے لوگ نوکری کیلئے پاکستان آئیں گے۔ میاں زاہد حسین نے کہا کہ اس منصوبے کے سبب پاکستان اور چین کا اقتصادی تعاون بہت بڑھ جائے گا جسکے نتیجے میں یہاں چین کی صنعتوں، ہوٹلوں، میڈیا اورکلبوں وغیرہ کا جال بچھ جائے گا۔ انھوں نے کہا کہ پاکستان اور چین کے مابین زبان، کلچر اور سیاسی نظام کے فرق اور دشمنوں کی سازشوں کو اس منصوبے پر کسی صورت میں اثر انداز نہ ہونے دیا جائے اور اس کی بروقت تکمیل کیلئے ہر ممکن کوشش کی جائے تاکہ اس کے پوٹینشل سے بھرپور فائدہ اٹھایا جا سکے۔ انھوں نے کہا کہ حکومت اس منصوبے کی وجہ سے سامنے آنے والے نت نئے اقتصادی، مالیاتی اورعلاقائی چیلنجوں کا مقابلہ کرنے کیلئے تیار رہے تاکہ مچھیروں کی بستی دنیا میں ایک کامیاب ترین تجارتی اکنامک ماڈل کے طور پر سامنے آئے ۔ملک بھر کی کاروباری برادری اس ضمن میں حکومت سے ہر ممکن تعاون کرے گی تاکہ پاکستان کو ایشین ٹائیگر بنانے کا دیرینہ خواب پورا ہو سکے۔

کراچی ،نپیئر پولیس کی کارروائی ،2غیر ملکیوں سمیت 4ملزمان گرفتار ،اسلحہ اور مسروقہ موٹرسائیکل برآمد 

کراچی (نیوز اپ ڈیٹس)پولیس نے کراچی کے علاقے نپیئر میں کارروائی کرتے ہوئے 2ملکیوں سمیت 4ملزمان کو گرفتار کرلیا ہے ۔تفصیلات کے مطابق نپیئر پولیس نے کارروائی کرکے موٹرسائیکل لفٹر اور افغانی باشندوں سمیت 4ملزمان کو گرفتار کرلیا ہے ۔گرفتار موٹر سائیکل لفٹر عمران بلوچ اور عدیل عرف عادل پٹھان کے قبضے سے ایک پستول اور رسالہ تھانے کی حدود سے چھینی شدہ موٹر سائیکل نمبر KBG_8709برآمد کرلی گئی ۔جبکہ غیرقانونی قیام پذیر غیر ملکی باشندے گل محمد اور عارف جان افغانستان سے تعلق رکھتے ہیں۔گرفتار ملزمان کے خلاف فارن ایکٹ اور دیگر دفعات کے تحت مقدمات درج کر لئے گئے ہیں ۔

شیر شاہ میں پولیس کا سرچ آپریشن، مختلف اقسام کا اسلحہ بر آمد
گینگ وار ملزم کی نشاندہی پر کارروائی کے دوران4 افراد کو حراست میں لے لیا گیا

کراچی (نیوز اپ ڈیٹس)کراچی کے علاقے شیر شاہ میں قانون نافذ کرنے والے ادارے کے سرچ آپریشن کے دوران کواٹر سے مختلف اقسام کا اسلحہ برآمد ہوا جبکہ4افراد کو بھی حراست میں لے لیا گیا۔تفصیلات کے مطابق شیر شاہ میں پولیس اور حساس ادارے نے نیشنل ایکشن پلان کے تحت کارروائی کی۔ آپریشن کے دوران علاقے کے داخلی خارجی راستے سیل کر کے گھر گھر تلاشی لی گئی۔ تلاشی کے دوران فٹ بال گرانڈمیں قائم کواٹر سے مختلف اقسام کا اسلحہ برآمد کر لیا گیا۔ پولیس کے مطابق کارروائی گینگ وار ملزم کی نشاندہی پر کی گئی ہے۔ گھر گھر تلاشی کے دوران4افراد کو بھی حراست میں لے لیا گیا۔ پولیس کے مطابق زیر حراست افراد سے ریزیڈینشنل ایکٹ کے حوالے سے تحقیقات کی جا رہی ہیں۔

کراچی میں دوسرے روز بھی پاک فوج کی نگرانی میں خانہ شماری کا عمل جاری
مردم شماری کا عملہ اور سیکورٹی اہلکار گھر گھر جا کر شہریوں سے معلومات جمع کر رہے ہیں، سیکورٹی کے انتہائی سخت انتظامات 

کراچی (نیوز اپ ڈیٹس)ملک بھر کی طرح کراچی میں دوسرے روز بھی ملک بھر میں خانہ شماری کا عمل جاری رہا ۔ مردم شماری کے عملے نے پاک فوج کے جوانوں کے ہمراہ گھر گھر جاکر شہریوں سے معلومات جمع کیں۔ کسی بھی ناخوشگوار صورتحال سے نمٹنے کیلئے ملک بھر میں سیکورٹی کے انتہائی سخت انتظامات کئے گئے ہیں۔چاروں صوبوں میں خانہ شماری کا عمل گزشتہ روز شروع ہوا جوجمعہ کو بھی جاری رہے گا دوسرے مرحلے میں 18 مارچ سے مردم شماری شروع ہوگی۔تفصیلات کے مطابق کراچی میں دوسرے روز بھی خانہ شماری کا عمل جاری رہا ۔پاکستان کا واحد حساس ضلع، ضلع وسطی کو قرار دیا گیا ہے جہاں پاک فوج اور پولیس کے اہلکار خانہ شماری کے عملے کے ساتھ کام کررہے ہیں۔ شہر میں بڑی سرگرمی کیلئے بڑے انتظامات کئے گئے ہیں۔ پاک فوج کے جوان رینجرز اور پولیس بھی سیکورٹی کیلئے عملے کے ساتھ موجود ہے۔ مختلف علاقوں میں ٹیمیں گھر گھر پہنچ کر شہریوں سے تفصیلات حاصل کررہی ہیں۔ کمشنر ادارہ شماریات عارف انور بلوچ نے بتایا کہ غلط معلومات دینے پر50ہزار روپے یا6ماہ قید کی سزا ہوسکتی ہے۔

ایم کیو پاکستان کو عزیز آباد کے دفاتر دینے سے انکار بہادر آباد کا دفتر حوالے کرنے کا فیصلہ
حکومت اور مقتدر حلقوں سے نائن زیرو سے متصل خورشید بیگم سیکریٹریٹ اور دیگر عمارتوں کی واپسی کیلئے درخواست کی گئی تھی
ایم کیو ایم پاکستان نے انکار کے بعد گلشن اقبال اور بہادر آباد کے دفاتر واپس کرنے کا مطالبہ کیا تھا، 20 مارچ کو بہادرآباد دفتر مل جائے گا

کراچی (نیوز اپ ڈیٹس)ایم کیو ایم پاکستان کو 20مارچ تک بہادرآباد کے علاقے میں ایم کیو ایم کا دفتر مل جائے گا جبکہ عزیزآباد کے دفاتر واپس نہیں ملیں گے۔ بہادرآباد میں دفتر ملنے کے بعد پی آئی بی کالونی میں ایم کیوایم کے عارضی مرکز کو ختم کرکے بہادر آباد منتقل کردیا جائیگا۔ ذرائع کے مطابق ایم کیو ایم پاکستان کے کنوینر ڈاکٹر فاروق ستار کی مقتدر حلقوں اور حکومت سے بات چیت کے بعد بہادآرباد کا دفتر ایم کیو ایم پاکستان کو واپس دینے کا فیصلہ کیا گیا ہے۔ ایم کیو ایم پاکستان کی جانب سے نائن زیرو سے متصل خورشید بیگم سیکریٹریٹ اور دیگر عمارتوں کی واپسی کیلئے حکومت اور مقتدر حلقوں سے درخواست کی گئی تھی لیکن حکومت کی جانب سے ایم کیو ایم پاکستان سے کہا گیا ہے کہ فوری طور پر خورشید بیگم سیکریٹریٹ اور اس کے قریب واقع دیگر عمارتوں کو فوری طور پر نہیں دیا جاسکتا جس کے بعد ایم کیو ایم پاکستان نے شہر میں موجود اپنے دو دفاتر کے حوالے سے حکومت اور مقتدر حلقوں کے سامنے آپشن رکھے تھے جن میں سے گلشن اقبال اور بہادرآباد کے دفاتر کی واپسی کا مطالبہ کیا گیا۔ ذرائع کے مطابق20مارچ کو بہادرآبادمیں موجود ایم کیو ایم پاکستان کے دفتر کو ایم ایم کیو پاکستان کے حوالے کرنے کا فیصلہ کرلیا گیاہے۔ واضح رہے کہ22اگست کو ایم کیو ایم کے قائد کی پاکستان مخالف تقریر کے بعد ایم کیو ایم کے مرکز نائن زیرو سمیت شہر کے مختلف علاقوں میں موجود ایم کیو ایم کے تمام دفاتر کو سیل کردیاگیاتھا۔

پاک بحریہ نے جنگی بحری جہاز کونشانہ بنانے والے میزائل کا کامیاب تجربہ کر لیا

 یہ ویپن سسٹم پاک بحریہ کے آپریشنل دائرہ کار میں ایک نئی جہت کا اضافہ ہے،نیول چیف ایڈمرل ذکاءاللہ 

کراچی (نیوز اپ ڈیٹس) پاک بحریہ نے جمعرات کو خشکی سے سمندر میںبحری جہاز کو نشانہ بنانے والے میزائل کا کامیاب تجربہ کیا۔یہ میزائل جدید ٹیکنالوجی اورایویونکس (Avionics)سے لیس ہے جو اس کو سمندر میں اپنے ہدف کو انتہائی درستگی کے ساتھ نشانہ بنانے کے قابل بناتا ہے۔میزائل کا یہ کامیاب تجربہ پاکستان کے ساحلی علاقے سے کیا گیا جس میں میزائل نے سمندر میں اپنے مقرر ہ ہدف کوانتہائی درستگی سے نشانہ بنایا۔ میزائل کے اس تجربے کے موقع پر وائس چیف آف نیول اسٹاف، وائس ایڈمرل خان ہشام بن صدیق اور پاک بحریہ کے اعلیٰ آفیسرز موجود تھے۔وائس چیف آف نیول اسٹاف نے میزائل کے کامیاب تجربے اور اس میں شامل افراد خصوصاً میزائل یونٹ کے عملے کی محنت اور کاوشوں کی تعریف کی۔پاک بحریہ کے سربراہ ایڈمرل محمد ذکاءاللہ نے اپنے پیغام میںآفیسرز اور عملے کو مبارک باد پیش کی اورکہا کہ یہ ویپن سسٹم پاک بحریہ کے آپریشنل دائرہ کار میں ایک نئی جہت کا اضافہ ہے جس سے پاک بحریہ کو زمین سے سمندر میںدور فاصلے تک میزائل لانچنگ کی صلاحیت حاصل ہو چکی ہے اور اس طرح ملکی بحری دفاع مزیدمضبوط ہو گا۔

آرٹس کونسل کراچی کی قومی ثقافتی کانفرنس میں صدر مملکت اور وزیراعظم کی شرکت متوقع 

11تا 13اگست کو منعقد ہونے والی کانفرنس میں چاروں وزرائے اعلیٰ اور آزادکشمیر کے وزیراعظم کو بھی مختلف سیشن میں شرکت کے لئے دعوت دی گئی ہے

کراچی(نیوز اپ ڈیٹس)آرٹس کونسل آف پاکستان کراچی کے زیر اہتمام منعقد ہونے والی قومی ثقافتی کانفرنس میں صدر مملکت اور وزیراعظم کی شرکت متوقع ہے جو 11 تا 13 اگست کو منعقد ہو گی۔جب کہ چاروں وزرائے اعلی اور آزادکشمیر کے وزیراعظم کو بھی مختلف سیشن میں شرکت کے لئے دعوت دی گئی ہے۔یہ کانفرنس پاکستان کی اکائیوں میں اتحادویکجہتی اور فیڈریشن کو مضبوط کر نے کا موجب ثابت ہوگی۔وزیر اعلی سندھ سید مراد علی شاہ اور وزیر ثقافت سندھ سردار شاہ میزبان کے طور پر اس کانفرنس کی سر پر ستی کریں گے اس حوالے سے وزیر ثقافت سید سردار شاہ سے تفصیلی ملاقات ہوگی۔ ان خیالات کا اظہار صدر آرٹس کونسل محمد احمد شاہ نے گورننگ باڈی کے ممبران کے اجلاس سے خطاب کرتے ہوئے کیا۔ اجلاس میں سیکریٹری پروفیسر اعجاز فاروقی۔جوائنٹ سیکرٹری قدسیہ اکبر۔خازن شہناز صدیقی اور ممبران گورننگ باڈی طلعت حسین،خالد آرائیں،کاشف گرامی،راشد عالم،بشیر سدوزئی، اسجد بخاری،شکیل خان، سہیل احمد،حسینہ معین،ڈاکٹر ایوب شیخ،اقبال لطیف ، سید سعادت حسین جعفری نے شرکت کی۔ صدر آرٹس کونسل محمد احمد شاہ نے کہا کہ آرٹس کونسل اس سال ایک نئی روایت قائم کرنے جا رہی ہے پہلی مرتبہ ملکی سطح پر قومی ثقافتی کانفرنس منعقد کی جائے گی۔چند روز قبل گورنر سندھ محمد زبیرکے ساتھ ہونے والی ملاقات میں بھی اس پر غور ہوا اور ان کے توسط سے وزیر اعظم پاکستان کو کانفرنس کے افتتاحی اجلاس میں شر کت کی دعوت دی گئی جبکہ وزیر اعظم اور صدر مملکت کے ساتھ بھی ہونے والے اجلاسوں میں اس کانفرنس کے حوالے سے بات ہوئی۔جس کے افتتاحی اور اختتامی تقریب میں مہمان خصوصی شرکت کے لئے وزیر اعظم اور صدر مملکت کی شرکت متوقع ہے۔دونوں شخصیات کے ساتھ ہونے والی میٹنگ میں آرٹس کونسل کی کاوشوں کو سراہا گیا اور حکومتی سطح پر مکمل تعاون کا یقین دلایا گیا۔ اس قومی سطح کے پروگرام میںچاروں وزرائے اعلی بھی شرکت کریں گے۔احمد شاہ نے کہا کہ اس کانفرنس کا انعقادوقت کی اہم ترین ضرورت ہے ۔آج بعض لوگ ملک کے مختلف علاقوں اور صوبوں میں زبانوں کی بنیاد پر فیڈریشن کے اساس کو کمزور کر نے کی کوشش کررہے ہےں۔یوم آزادی کے حوالے سے اگست میں اس کانفرنس کا انعقادکا مقصد تمام اکائیوں اور زبانیں بولنے والوںکو ایک جگہ پر جمع کر نا اور پاکستان کی تمام زبانوں اور ثقافت کی اہمیت کو اجاگر کرنا ہے۔ جس میں تمام صوبوں کے چیف ایگزیکیٹو بھی موجود ہوںگے۔ اس میں قومی پالیسی ترتیب دی جائے جس سے قومی یکجہتی کو فروغ حاصل ہو۔ اس حوالے سے تمام صوبوں کے دانشور حضرات سے رابطہ ہے ان کی رائے اور تجاویز جمع کی جارہی ہیں۔ایسی تجاویزات مرتب کی جائیں گی جس سے پاکستان کی اکائیوں میں انصاف کی بنیاد پراتحاد اور فیڈریشن مضبوط اور قومی یکجہتی کو فروغ حاصل ہوگا۔ پاکستان کی تمام زبانوں اور ثقافتوں کے درمیان ہم آہنگی قائم کرنا ہے ۔ آرٹس کونسل کی یہ کانفرنس ملکی یکجہتی کے فروغ اور مختلف اکائیوں کے درمیان رابطے کا بہترین ذریعہ ثابت ہو گی۔ صدر آرٹس کونسل نے کہا کہ اس قومی سطح کی کانفرنس کے انعقاد کے لئے تمام ممبران گورننگ باڈی اور متحرک ممبران و تمام کمیٹیوں کے ممبران کام شروع کر دیںتاہم ا س پروگرام کو شایان شان بنایا جا سکے۔ 

بلدیہ کورنگی کے زیر اہتمام جشن بہاراں فیملی فیسٹیول اور فلاور شو کا آغاز آج ہوگا 

ضلع کورنگی کی تعمیر و ترقی اور مسائل کے خاتمے کے ساتھ عوام کو صحت مند تفریحی سہولتوں کی فراہمی یقینی بنا ئیں گے۔سید نیئر رضا
فیملی پارکوں ،کھیل کے میدانوں اور گرین بیلٹس کے ساتھ علاقائی سطح پر سرسبز ماحول کو عوامی تعاون کے ذریعے فروغ دیا جائیگا

چیئر مین بلدیہ کورنگی سید نیئر رضا کورنگی ساڑھے تین ماڈل پارکس پر فلاور شو کی تیاریوں اور علاقائی سطح پر بلدیاتی انتظامات کا معائنہ کراچی (نیوز اپ ڈیٹس) بلدیہ کورنگی کے زیر اہتمام ماڈل پارک کورنگی ساڑھے تین پر جشن بہاراں فیملی فیسٹیول اور فلاور شو کا آغاز آج مورخہ 17مارچ سے ہوگا ،بلدیہ کورنگی محکمہ باغات کی جانب سے تمام تر تیاریوں کو مکمل کرلیا ۔چیئر مین بلدیہ کورنگی سید نیئر رضا نے فیملی فیسٹیول اور فلاور شو کے حوالے سے حتمی مرحلے میں جاری انتظامات کا معائنہ کرتے ہوئے محکمہ پارکس کو ہدایت کی کہ فیسٹیول اور فلاور شو میں عوام کو ہر ممکن سہولتیں فراہم کی جائیں فلاور شو میں انواع اقسام کے پھولوں کی نمائش کو یقینی بنا ئی جائے اس موقع پر چیئر مین بلدیہ کورنگی سید نیئر رضا نے کہاکہ ضلع کورنگی میں تعمیر و ترقی اور مسائل کے خاتمے کے ساتھ عوام کو صحت مند تفریحی سہولتوں کی فراہمی کو یقینی بنا ئیں گے محکمہ پارکس کو ہدایت کی کہ فیملی پارکوں ،کھیل کے میدانوں ،گرین بیلٹس کے ساتھ علاقائی سطح پر عوامی تعاون کے ذریعے سرسبز ماحول کو فروغ دیا جائے سرسبز ماحول کی آفادیت سے عوامی شعور کو بیدار کیا جائے تاکہ عوامی تعاون کے ذریعے درختوں ،پودوں کی آبیاری اور اس کی حفاظت کو یقینی بنا کر سرسبز اور صحت مند ماحول کا قیام اور آلودگی کا خاتمہ ممکن بنا ئی جاسکے بعد ازاں چیئر مین سید نیئر رضا نے بلدیہ کورنگی کے تحت ضلع کورنگی کے مختلف زونز میں جاری تعمیر و ترقی اور عوام کو درپیش مسائل سے چھٹکارہ دلا نے کے لئے جاری اقدامات کا معائنہ کرتے ہوئے متعلقہ محکموں کو ہدایت کی کہ ترقیاتی منصوبوں پر کام کی رفتار کو تیز کیا جائے اور اسے مکمل نگرانی میں جلد ازجلد مکمل کیا جائے انہوںنے علاقائی سطح پر صفائی وستھرائی اور روشنی کے انتظامات کی بہتری کے حوالے سے اقدامات کے لئے متعلقہ محکموں کو احکامات دیئے۔ 

شاہ فیصل کالونی50 بستروں کا اسپتال ،کارڈک سینٹر میٹرنٹی ہوم کھنڈرات میں تبدیل ہوگیا، عالم علی

محکمہ ہیلتھ کے علاقائی افسران کی بے پروائی کی وجہ سے کثیر عوامی وسائل سے تعمیر طبی ادارے آج تک عوام کی سہولت پہنچانے سے قاصر ہیں۔
طبی مراکز میں عملے کی کمی اور دیگر امور کی دستیابی سے علاقہ عوام کو بہتر اور معیاری طبی سہولتیں دستیاب ہوں گی،

کراچی( نیوز اپ ڈیٹس)HIVایڈز ، ہیپاٹائٹس ویلفیئر ایسوسی ایشن کے چیف آرگنائزر عالم نے شاہ فیصل کالونی میں قائم کارڈک سینٹر،50بسترون کا ہسپتال اور میٹرنٹی ہوم محکمانہ عدم توجہی کی وجہ سے گھنڈرات میں تبدیل ہونے پر افسوس کا اظہار کرتے ہوئے کہا کہ محکمہ ہیلتھ کے علاقائی افسران کی لاپرواہی کی وجہ سے آج تک شاہ فیصل کالونی میں کثیر عوام وسائل سے تعمیر کیے طبی ادارے آج تک عوام کو سہولیات پہنچانے سے قاصر ہیں۔ 50بستروں کے اسپتال اور کارڈک سینٹر میں طبی سہولیات کے حوالے سے دستیاب مشینری کے باوجود آج تک یہ ادارے فعل نہیں ہوسکے۔ HIVایڈز ، ہیپاٹائٹس ویلفیئر ایسوسی ایشن کے چیف آرگنائزر عالم نے صوبائی وزیر صحت سے اپیل کی ہے کہ عوام کو سستی اور معیاری طبی سہولیات کی فراہمی کے دعوے کو عملی جامہ پہناتے ہوئے شاہ فیصل کالونی میں قائم کارڈک ایمرجنسی سینٹر50بستروں کا اسپتال اور میٹرنٹی ہومز جو کہ شاہ فیصل کالونی نمبر1میں واقع ہیں کو فوری فعال کرنے کے احکامات صادر کریں۔ عالم علی نے کہا کہ ان طبی مراکزمیں عملے کی کمی اور دیگر امور کی دستیابی سے علاقہ عوام کو بہتر اور معیاری طبی سہولتیں دستیاب ہوسکیں گی۔

کراچی میٹرو پولیٹن کے محکمہ ویٹرنری نے کارروائی کے بعد ایک ہزار کلو گرام قبضے میں لے کر کراچی چڑیا گھر پہنچا دیا 

کراچی (نیوز اپ ڈیٹس) کراچی میٹرو پولیٹن کے محکمہ ویٹرنری نے کارروائی کے بعد ایک ہزار کلو گرام قبضے میں لے کر کراچی چڑیا گھر پہنچا دیا ۔تفصیلات کے مطابق سنیئر ڈائریکٹر ویٹرنری کے ایم سی ڈاکٹر فاروق جونیئر نے ایک کارروائی میں بدھ کے دن ناغے کے باوجود گوشت کاٹنے کی اطلاع پر بروقت کارروائی عمل میں لاکر گوشت قبضے میں لے لیا ۔سنیئر ڈائریکٹر ڈاکٹر فاروق جونیئر کے مطابق ایک ہزار 32کلو گرام قبضے میں لیا گیا گوشت کراچی چڑیا گھر کی انتظامیہ کے حوالے کردیا گیا فاروق جونیئر کے مطابق گزشتہ ہفتے بھی غیر قانونی طور پر گوشت کے ناغے والے دن گوشت کاٹنے پر 746کلو گرام گوشت قبضے میں لے کر عالمگیر ویلفیئر ٹرسٹ کے حوالے کیا گیا تھا انہوں نے کہاکہ شہر میں موجود ایسے تمام خفیہ ٹھکانوں پر کارروائی جاری رکھی جائے گی جہاں مضر صحت گوشت کاٹنے کے بعد بڑے سپر اسٹورز پر فراہم کیا جارہا ہے ۔

چیئر مین بلدیہ کورنگی کی ہدایت پر شاہ فیصل کالونی کی مختلف شاہراہوں پر تجاوزات کے خلاف آپریشن

سڑکوں اور فٹ پاتھوں سے ٹھیلے پتھاروں کے علاوہ محکمہ ایڈورٹائز منٹ کی جاری مہم کے دوران بینرز اور سائن بورڈز کا بھی خاتمہ کردیا گیا
ضلع کورنگی کی حدود میں تجاوزات سمیت عوامی سہولت کی راہ میں رکاوٹ بننے والے غیر قانونی اقدامات کی روک تھام کو یقینی بنا یا جائے ۔سید نیئررضا
میونسپل قوانین کے تحت مرتکب افراد کے خلاف کاروائی عمل میں لانے کی ہدایت ، اشتہاری بورڈز اور بینرز پر عائد پابندی پر سختی سے عمل درآمد کیا جائے 

کراچی (نیوز اپ ڈیٹس)چیئر مین بلدیہ کورنگی کی ہدایت محکمہ انسداد تجاوزات شاہ فیصل زون نے مختلف شاہراہوں سے تجاوزات کا خاتمہ اور محکمہ ایڈورٹائز منٹ کے تحت غیر قانونی طور پر شاہراہوں پر آویزاں بینرز اور سائن بورڈ اُتار لئے گئے ۔چیئر مین بلدیہ کورنگی سید نیئر رضا نے ضلع کورنگی کی حدود میں تجاوزات سمیت عوامی سہولت کی راہ میں رکاوٹ بننے والے غیر قانونی اقدامات کی روک تھام کے متعلقہ محکموں کو ہدایت کرتے ہوئے کہاکہ علاقائی ترقی اور عوامی سہولتوں کی راہ میں کسی بھی قسم کی رکاوٹ برداشت نہیں کیا جائیگا ان خیالات کا اظہار چیئر مین بلدیہ کورنگی سید نیئر رضا نے ضلع کورنگی کے شاہ فیصل ،ملیر ماڈل کالونی ،کورنگی اور لانڈھی زونز کا تفصیلی دورہ کرکے انسدات تجاوزات ،محکمہ ایڈورٹائزمنٹ کے تحت جاری آپریشن اور بلدیہ کورنگی کے تحت علاقائی سطح پر بلدیاتی انتظامات کی بہتری کے حوالے سے جاری انتظامات کا معائنہ کرتے ہوئے کیا۔چیئر مین سید نیئر رضا نے تمام محکموں کو ہدایت کی کہ علاقائی سطح پر صفائی وستھرائی سمیت دیگر بلدیاتی انتظامات کو مستقل بنیادوں پر بہتر بنا نے کے لئے تمام تر محکمانہ کاوشوں کو بروئے کار لایا جائے علاقائی ترقی اور عوام کو سہولت کی فراہمی کے حوالے سے کسی بھی قسم کی غفلت اور لاپراہی کو قطفی برداشت نہیں کیا جائیگا ،شاہراہوں اور فٹ پاتھوں کو تجاوزات اور رکاوٹوں سے مکمل پاک کیا جائے اس موقع پر انہوں نے محکمہ ایڈورٹائز منٹ کو ہدایت کی کہ سپریم کورٹ کے احکامات پر عمل درآمد کو یقینی بنا یا جائے اور ضلع کورنگی کی حدود میں اشتہاری بورڈ ز اور بینرز آویزاں کرنے والوں کے خلاف سخت کاروائی عمل میں لایا جائے ۔
پبلک ریلیشن آفیسر ۔ڈسٹرکٹ میونسپل کارپوریشن کورنگی کراچی 

 بلدیہ غربی کی حدود میں موجود تمام اہم شاہراہوں ،سڑکوں، گلیوں اورچوراہوں پر موجود ہورڈنگز ،سائن بورڈز اوردیگر تشہیری مواد کے خاتمہ کے باقی ماندہ کاموں کو ہنگامی بنیادوں پر ختم کیا جائے۔ایڈمنسٹریٹر بلدیہ غربی

 کراچی (نیوز اپ ڈیٹس) بلدیہ غربی کی حدود میں موجود تمام اہم شاہراہوں ،سڑکوں، گلیوں اورچوراہوں پر موجود ہورڈنگز ،سائن بورڈز اوردیگر تشہیری مواد کے خاتمہ کے باقی ماندہ کاموں کو ہنگامی بنیادوں پر ختم کیا جائے ان خیالات کا اظہار ایڈمنسٹریٹر بلدیہ غربی غلام فرید نے میونسپل کمشنر وسیم مصطفی سومرو کے ہمراہ کیماڑی زون میں چاروں زونوں کے بلدیاتی افسران کے مشترکہ اجلاس کی صدارت کرتے ہوئے کیا ایڈمنسٹریٹر نے محکمہ ایڈورٹائزمنٹ کے افسران کو ہدایت دیتے ہوئے کہا سپریم کورٹ کے احکامات کی روشنی میں ہورڈنگز اور سائن بورڈز کے خاتمہ کے عمل میں کسی بھی قسم کا دباو ¿ اور اثر و رسوخ قبول ن کیا جائے جبکہ محکمہ ایجوکیشن کے افسران بلدیہ غربی کے زیر انتظام چلنے والے اسکولوں میں سہولیات کی فراہمی کا عمل برق رفتاری سے مکمل کریں انہوں نے مذید گفتگو کرتے ہوئے کہا کہ عوام کو تمام تر بلدیاتی سہولیات کی فراہمی کے ساتھ ساتھ بہترین نصابی و غیر نصابی سرگرمیوں کی فراہمی ان کی اولین ترجیح ہے میونسپل کمشنر نے بلدیہ غربی کی حدود میں موجود تمام یونین کونسلوں میں صفائی ستھرائی اور کچرے کی منتقلی کا عمل ہنگامی بنیادوںپر جاری رکھنے کی ہدایت دیتے ہوئے کہا کہ چاروں زونوں میں بلدیہ غربی کے زیر انتظام چلنے والے اسکولوں اور ڈسپنسریوں میں سہولیات کی فراہمی کیلئے تمام تر موجود وسائل سے استفادہ حاصل کیا جائے سہولیات کی فراہمی کے عمل میں غفلت اور لاپرواہی ہرگز برداشت نہیں کی جائے گی اجلاس میں موجود شعبہ جاتی افسران نے صفائی ستھرائی ،کچرے کی منتقلی ،اسکولوں اور ڈسپنسریوں میںسہولیات کی فراہمی کے حوالے سے کئے جانے والے اقدامات کے بارے میں بریفنگ دی جبکہ سپریم کورٹ کے احکامات کی روشنی میں ہورڈنگز ،سائن بورڈز اور دیگر تشہیری مواد کے خاتمہ کے حوالے سے کئے جانے والے اقدامات کے حوالے سے محکمہ جاتی افسران نے آگاہ کےا۔    
                ڈائریکٹر انفار میشن
               بلدیہ غربی کراچی

گورنر سندھ نے جسٹس احمد علی ایم شیخ سے چیف جسٹس سندھ ہائی کورٹ کے عہدے کا حلف لیا 

کراچی ( نیوز اپ ڈیٹس)سندھ ہائی کورٹ میں سادہ و پروقار تقریب حلف برادری میں گورنر سندھ محمد زبیر نے جسٹس احمد علی ایم شیخ سے سندھ ہائی کورٹ کے چیف جسٹس کے عہدے کا حلف لیا ۔ اس موقع پر وزیر اعلیٰ سندھ سید مراد علی شاہ ، ہائی کورٹ کے جج صاحبان ، قانونی ماہرین ، وکلاءسمیت عمائدین شہر کی بڑی تعداد بھی موجود تھی ۔

گورنر سندھ سے وائس چیف آف نیول اسٹاف و ائس ایڈمرل خان ہاشم بن صدیق کی ملاقات

پاکستان نے دنیا کے امن کے لئے لازوال قربانیاں دیں دہشت گردی کے خلاف عالمی جنگ میں ہراول دستہ کا کردار ادا کیا۔ گورنر سندھ 

ساحلی شہر کراچی تذویراتی اہمیت کا حامل ہے جہاںجاری آپریشن کے نہایت مثبت اثرات سامنے آرہے ہیں۔ ملاقات میں اظہار خیال 

کراچی (نیوز اپ ڈیٹس) گورنر سندھ محمد زبیر نے کہا ہے کہ پاکستان نے دنیا کے امن کے لئے لازوال قربانیاں دیں دہشت گردی کے خلاف عالمی جنگ میں ہراول دستہ کا کردار ادا کیا جس کے اثرات آج بھی ظاہر ہو رہے ہیں ۔ انہوں نے کہا کہ آج کا پاکستان نہایت پر امن ہے جہاں غیر ملکی سرمایہ کاری میں تیزی ، معاشی و سماجی سرگرمیوں میں اضافہ ،تمام اقلیتوں کو مساوی حقوق اور باہمی رواداری کی فضا قائم ہے با الخصوص صوبہ میں بھائی چارے ، ہم آہنگی ، اخوت اور محبت قائم ہے ۔ان خیالات کا اظہار انہوںنے وائس چیف آف نیول اسٹاف وائس ایڈمرل خان ہاشم بن صدیق سے گورنر ہاﺅس میں ملاقات میں کیا۔ ملاقات میں اہمیت کے حامل مختلف امور پر تفصیلی تبادلہ خیال کیا گیا ۔ گورنر سندھ نے کہا کہ ساحلی شہر کراچی ہر لحاظ سے بہت اہمیت کا حامل ہے جہاںجاری آپریشن کے نہایت مثبت اثرات سامنے آرہے ہیں ملک کے معاشی حب میں امن و امان اور معاشی خوشحالی پورے ملک کی خوشحالی کی ضمانت ہے ۔

صوبہ میں غیر ملکی سرمایہ کاری میں تیزی سے اضافہ ہو رہا ہے ، گورنر سندھ
سی پیک خطہ میں گیم چینجر، کراچی جغرافیائی لحاظ سے پرکشش مقام پر ہونے کے باعث معاشی سرگرمیوں کا اہم مرکز ہے،محمد زبیر
ایران کے سرمایہ کار بھی ان پرکشش مواقع سے بھرپور فائدہ اٹھائیں ، نئے ایرانی قونصل جنرل احمد محمدی سے ملاقات میں اظہار 

کراچی (نیوز اپ ڈیٹس) گورنر سندھ محمد زبیر نے کہا ہے کہ پاک چین اقتصادی راہداری منصوبہ خطہ میں گیم چینجر کی اہمیت رکھتا ہے منصوبہ کی تکمیل سے صوبہ میں معاشی و اقتصادی سرگرمیاں مزید تیز ہو جائیں گی ، ملک کا اقتصادی حب، کراچی جغرافیائی لحاظ سے پرکشش مقام پر ہونے کے باعث معاشی سرگرمیوں کا اہم مرکز ہے ۔ انہوں نے کہا کہ صوبہ با الخصوص کراچی میں امن و امان کے بعد غیر ملکی سرمایہ کاری میں تیزی سے اضافہ ہو رہا ہے اس ضمن میں ایران کے سرمایہ کار بھی ان پرکشش مواقع سے بھرپور فائدہ حاصل کرنے کے لئے سرمایہ کاری کریں ۔ ان خیالات کا اظہار انہوں نے ایران کے نئے تعینات ہونے والے قونصل جنرل احمد محمدی سے گورنر ہاﺅس میں ملاقات میں کیا ۔ گورنر سندھ نے کہا کہ ایران پاکستان کا برادر ہمسایہ ملک ہے ، مشترکہ سرمایہ کاری اور میگا پروجیکٹس دو طرفہ تعلقات کی واضح عکاس ہیں ایران نے ہر مشکل مراحل میں پاکستان کی بھرپور اخلاقی و معاشی مدد کی با الخصوص قدرتی ناگہانی آفات میں صوبہ کے عوام کو فوری ریلیف فراہم کرنے کے لئے ایران نے امداری سرگرمیوں میں بڑھ چڑھ کر حصہ لیا۔انہوں نے کہا کہ صوبہ میں سرمایہ کاری کے لئے بے پناہ مواقع دستیاب ہیں جن میں زراعت ، انفرااسٹرکچر ڈیویلپمنٹ ، توانائی ، تعلیم ، صحت سمیت دیگر شعبہ فوری منافع کی ضمانت ہیں جبکہ کم لاگت تعلیم یافتہ تجربہ کار ہیومن ریسورس سرمایہ کاروں کے لئے آئیڈیل ہے ۔ انہوں نے کہا کہ صوبہ میں ایرانی سرمایہ کاری دو طرفہ تعلقات کے وسیع تر مفاد میں ہے ، غیر ملکی سرمایہ کاری سے خطہ میں غربت اور بے روزگاری کا خاتمہ یقینی ہے ۔ اس موقع ایرانی قونصل جنرل احمد محمدی نے گورنر سندھ کو بتایا کہ ایران کے عوام اور حکومت پاکستان کو ترجیح دیتے ہیں، خطہ سے غربت اور بے روزگاری کے خاتمہ میں ایرانی سرمایہ کاربھی سرمایہ کاری میں بھرپور دلچسپی رکھتے ہیںبا الخصوص کراچی میں جہاں سرمایہ کاری کے لئے ایک ساز گار ماحول ہے ایرانی سرمایہ کار صوبہ میں زراعت ، توانائی سمیت دیگر شعبوں میں سرمایہ کاری کرنے کی خواہش رکھتے ہیں ، صوبہ کی ترقی کے لئے تعاون جاری رکھیں گے ۔

سندھ ہائی کورٹ نے قتل کے جرم میں سزائے موت اور جرمانے کی سزا پانے والے مجرم کی اپیل منظور کرلی 

کراچی (نیوز اپ ڈیٹس)سندھ ہائی کورٹ نے قتل کے جرم میں سزائے موت اور جرمانے کی سزا پانے والے مجرم کی اپیل کی درخواست کو منظور کرتے ہوئے سیشن جج ملیر کو مقدمہ کے ریکارڈ کے ہمراہ طلب کرلیا ہے۔منگل کوسندھ ہائی کورٹ میںقتل کے جرم میں سزائے موت اور جرمانے کی سزا پانے والے مجرم کی جانب سے دائر اپیل کی درخواست کی سماعت ہوئی۔عدالت نے مجرم کی جانب سے دائر اپیل کی درخواست کو منظور کرتے ہوئے سیشن جج ملیر کو مقدمہ کے ریکارڈ کے ہمراہ طلب کیا جبکہ پراسیکیوٹر جنرل اورایڈوکیٹ جنرل سندھ کو نوٹس بھی جاری کردیا ہے۔واضح رہے کہ مجرم معراج کو مارچ2013ءمیں قائد آباد کے علاقے میں ایک شہری کو قتل کرنے کے جرم میںسیشن کورٹ ملیر نے سزائے موت اور ایک لاکھ روپے جرمانے کی سزا سنائی تھی جس پر مجرم معراج نے سزاکے خلاف سندھ ہائی کورٹ میں اپیل دائر کی تھی۔

سندھ ہائیکورٹ نے ایس ایم لا کالج کے طلباءکو امتحانات میں شرکت کی اجازت دے دی 

کراچی (نیوز اپ ڈیٹس)سندھ ہائیکورٹ نے ایس ایم لا کالج کے طلبہ طالبات کو امتحانات میں فیل قرار دئے جانے اور شرکت کی اجازت نہ ملنے کے خلاف درخواست کی سماعت پر22 مارچ کو ہونے والے امتحان میں طلبہ و طالبات کو شرکت کی اجازت دیتے ہوئے مزید سماعت 4 اپریل تک کے لئے ملتوی کردی ہے۔منگل کوسندھ ہائیکورٹ میں ایس ایم لا کالج کے طلبہ و طالبات کو امتحانات میں فیل قرار دینے اور شرکت کی اجازت نہ ملنے کے خلاف درخواست کی سماعت ہوئی۔ عدالت میں 2 سو سے زائد طلبہ کو 22 مارچ کے امتحانات میں شرکت کی اجازت نہ ملنے کے خلاف درخواست لگائی گئی تھی طلبہ کا کہنا تھا کہ ہمیں جامعہ کراچی نے ابھی تک ایڈ مٹ کارڈ بھی جاری نہیں کئے 2014 اور 2015 کے طلبہ سے جامعہ کراچی امتحان نہیں لے رہا پاکستان بار کونسل کے رول کے مطابق 40 نمبر حاصل کرنے والے قانون کے طالب علموں کو پاس قرار دیا جائے گا لیکن اس کے باوجود جامعہ کراچی نے 49 نمبر حاصل کرنے والے طلبہ کو فیل قرار دے دیا عدالت نے تمام طلبہ کو 22 مارچ کے امتحانات میں شرکت کی اجازت دے دی اور جامعہ کراچی کو حکم دیا کہ تمام طلبہ کے ایڈمٹ کارڈ جاری کریں اور امتحانات میں شریک ہونے والے امیدواروں کے نتائج بھی نہ روکے عدالت نے کیس کی مزید سماعت 4 اپریل تک کے لئے ملتوی کردی۔

بلدیہ فیکٹری کیس ،پولیس نے رضون قریشی کی گرفتاری سے متعلق رپورٹ پیش کردیعدالت نے مفرور ملزمان کو گرفتار کر کے پیش کرنے کا حکم دیتے ہوئے سماعت 8 اپریل تک ملتوی کردی

کراچی (نیوز اپ ڈیٹس)انسدادہشتگردی کی عدالت میں سانحہ بلدیہ فیکٹری کیس کی سماعت پر پولیس کی جانب سے رضون قریشی کی گرفتاری سے متعلق رپورٹ پیش کردی گئی ۔،عدالت نے مفرور ملزمان کو گرفتار کر کے پیش کرنے کا حکم دیتے ہوئے سماعت 8 اپریل تک ملتوی کردی ہے۔منگل کوجیل میں قائم انسدادہستگردی کی عدالت میں سانحہ بلدیہ فیکٹری کیس کی سماعت ہوئی ۔عدالت میں سانحہ بلدیہ فیکٹری کا انکشاف کرنے والے ملزم رضوان قریشی کی گرفتاری سے متعلق رپورٹ پیش کی گئی ۔رپورٹ میں پولیس کی جانب سے اعتراف کیا گیا کہ کوششوں کے باوجود ملزم کو گرفتار نہیں کیا جا سکا مفرور ملزمان میں کاشف صدیقی، اعجاز بابو اور سہیل عرف بھولا شامل ہیں۔ ملزمان کی گرفتاری کے لئے چھاپے مارے جارہے ہیں۔ ملزمان گرفتاری کے ڈر سے روپوش ہیں وقت دیا جائے ۔ عدالت میں رحمان بھولا زبیر چریا اور روف صدیقی عدالت میں پیش ہوئے تفتیشی افسر کا کہنا تھا کہ مقدمے میں رو ¿ف صدیقی کا نام نہیں ہے لیکن انھیں شامل تفتیش کیا گیا ہے ابھی روف صدیقی کو مقدمہ میں کلئیر نہیں کیا گیا ہے اعلی افسران سے مشاورت کی جائے گی جبکہ عدالت مقدمہ میں مفرور ملزم حماد صدیقی کے ریڈ وارنٹ جاری کر چکی ہے۔ عدالت کا کہنا تھا جب ایف آئی ار میں آپکا نام نہیں تھا تو اپنے ضمانت کیوں حاصل کی جس پر روف صدیقی کا کہنا تھا میرا نام جے آئی ٹی میں شامل تھا اور خدشہ تھا کہ گرفتار نہ کر لیا جاوں۔ عدالت کا کہنا تھا کہ آئندہ سماعت پر ملزمان کو مقدمے کی نقول فراہم کی جائیں گی عدالت نے مفرور ملزمان کو گرفتار کر کے پیش کرنے کا حکم دیتے ہوئے سماعت 8 اپریل تک ملتوی کردی واضح رہے سانحہ بلدیہ کیس میں ملزم رضوان قریشی کی جانب سے انکشافات کئے گئے تھے کہ بلدیہ فیکٹری میں آگ حماد صدیقی کے کہنے پر لگائی گئی تھی۔

سپریم کورٹ کا بل بورڈز سے متعلق جمع ہونے والے ریونیو کا 5 سالہ ریکارڈ پیش کرنے کا حکم فٹ پاتھوں پر چلنے تک کی جگہ نہیں چھوڑی گئی آخر یہ پیسے کس کی جیب میں گئے یا استعمال ہوئے،عدالت کے ریمارکس 

کراچی (نیوز اپ ڈیٹس) سپریم کورٹ نے شہر بھر میں لگے بل بورڈز اور سائن بورڈز سے متعلق کیس کی سماعت پر بل بورڈز سے متعلق جمع ہونے والے ریونیو کا 5 سالہ ریکارڈ پیش کرنے کا حکم دیا ہے۔منگل کوسپریم کورٹ کراچی رجسٹری میں جسٹس امیر ہانی مسلم پر مشتمل 3 رکنی بینچ کی عدالت میں بل بورڈز اور سائن بوردز سے متعلق سماعت ہوئی عدالت میں وفاقی و صوبائی حکومتوں کی جانب سے رپورٹ جمع کرادی گئی رپورٹ میں بتایاگیا کہ شہر بھر سے بل بورڈز ہٹا دئے گئے ہیں۔ عدالت میں جسٹس قاضی فائز عیسی نے دوران سماعت حکومت کی جانب سے پیش ہونے والے وکیل سے پوچھا کہ سائن بورڈز سے آپ نے کتنے پیسے کمائے ہیں کیا پیسوں کا ریکارڈ دینا اتنا مشکل کام ہے ۔جسٹس امیر ہانی مسلم نے ریمارکس دیتے ہوئے کہا کہ بلڈنگز پر اتنے بڑے بڑے سائن بورڈز لگائے ہیںکیا آپ نے کسی اور ملک میں ایسے بورڈز دیکھے ہیںدیکھے ہیں۔ فٹ پاتھوں پر چلنے تک کی جگہ نہیں چھوڑی گئی آخر یہ پیسے کس کی جیب میں گئے یا استعمال ہوئے۔ ہمیں پتا کر کے بتائیں بل بورڈز سے کتنا ریونیو جمع کیا گیا ۔عدالت کا کہنا تھا کہ ہمیں جمع ہونے والے ریونیو کا 5 سالہ ریکارڈ پیش کریں۔ عدالت نے تمام تفصیلات وفاق اور صوبائی حکومتوں سے طلب کرتے ہوئے سماعت آئندہ تاریخ تک ملتوی کردی۔

سندھ ہائی کورٹ :مردم شماری کے فارم میں معذور افراد کا کالم شامل نہ کرنے سے متعلق درخواست پر وفاقی و صوبائی حکومت سے جواب طلب

کراچی (نیوز اپ ڈیٹس)سندھ ہائیکورٹ میں مردم شماری کے فارم میں معذور افراد کا کالم شامل نہ کرنے سے متعلق درخواست پر وفاقی و صوبائی حکومت سے 17 مارچ تک جواب طلب کر لیا ہے۔منگل کوسندھ ہائیکورٹ کے جسٹس منیب اختر پر مشتمل دو رکنی بینچ کی عدالت میں مردم شماری کے فارم میں معذور افراد کا کالم شامل نہ کرنے کے خلاف درخواست کی سماعت ہوئی عدالت میں پاکستان بلائنڈ ایسوسی ایشن کی جانب سے درخواست میں موقف اختیار کیا گیا کہ سندھ میں اس وقت 50 لاکھ اور ملک بھر میں 2 کروڑ سے زائد معزور افراد ہیں جبکہ مردم شماری میں معزور افراد کا کالم شامل نہیں کیا گیا ہے عدالت نے ریمارکس دیتے ہوئے کہا کہ شیڈول جاری ہو چکا ہے معزور افراد کا کالم میں نام شامل نہین کیا گیا عدالت میں ایڈیشنل اٹارنی جنرل کا کہنا تھا کہ وفاقی و صوبائی حکومت کو کالم شامل کرنے کے لئے خط لکھ دیتے ہیں عدالت نے وفاقی و صوبائی ھکومت سے 17 مارچ تک جواب طلب کرتے ہوئے سماعت ملتوی کردی۔

کورنگی بلوچ فٹ بال کلب ڈسٹرکٹ کورنگی کراچی ساتواں آل کراچی کورنگی چیلنج کپ فٹ بال ٹورنامنٹ میں 14میچوں کے فیصلے ہوگئے سرحد اسپورٹس ،بلوچ یوتھ گارڈن ،ینگ جمال ،شہزاد محمڈن ،الشہباز اور دیگر کی کامیابی 

کراچی (نیوز اپ ڈیٹس) کورنگی بلوچ فٹ بال کلب کے زیر اہتمام گیٹ فارما کے اشتراک سے جاری ساتواں آل کراچی کورنگی بلوچ چیلنج کپ فٹ بال ٹورنامنٹ میں مزید 14میچوں کے فیصلے ہوگئے ۔پہلے میچ میں الواجد اسپورٹس نے مد مقابل بلوچ ورنا کو 1-0سے ،نیشنل دوسرے میچ میں شاہین نے نذیر محمڈن کو 3-0سے ،تیسرے میچ میں سرحد اسپورٹس لانڈھی نے بلوچ یونین کو پنالٹی ککس پر 5-4سے ،چوتھے میچ میں بلوچ یوتھ گارڈن نے بلوچ برادرز کو 7-0سے ،پانچویں میں ینگ جمال لانڈھی نے گلشن اسپورٹس کو 7-0سے ،چھٹے میچ میں شہزاد محمڈن نے سندھ مسلم گذری کو 4-2سے ،ساتویں میچ میںچنیسر بلو نے حیدری یونائٹیڈ کو 4-0سے ،آٹھویں میچ میں ہنٹر اسپورٹس نے کورنگی جیم خانہ کو 3-1سے ،نویں میچ میں شہباز گرین نے ینگ ملیر کو 3-2سے ،دسویں میچ میں اُسامہ اسپورٹس شاہ فیصل ٹاﺅن نے اصلاح بلوچ کو 4-2سے ،گیارہویں میچ میں الشہزاد کلب جام کنڈہ نے پیر بخش کو 2-0سے ،بارہویں میچ میں 36-Bسینٹر نے بلوچ کلب ملیر کو 5-4سے شکست دیکر اگلے مرحلے کے لئے کوالیفائی کرلیا ۔کھیلے گئے میچوں میں ریفریز کے فرائض جاوید بنگش ،نذر شباب ،مجاہد ،فاروق اور عبدالباقی نے انجام دیئے جبکہ میچ کمشنر گل محمد کامریڈ تھے ۔
جاری کردہ :۔ میڈیا کوارڈینٹر 

نیشنل کوچنگ سینٹر گروپ فوٹو

کراچی ،ناظم آباد میں کئی سال سے غیر قانونی طور پر پارک کی زمین پر بنائے گئے 2 شادی ہالز مسمار کردیے گئے

کراچی (نیوز اپ ڈیٹس) ناظم آباد میں کئی سال سے غیر قانونی طور پر پارک کی زمین پر بنائے گئے 2 شادی ہالز مسمار کردیے گئے۔کراچی ڈویلپمنٹ اتھارٹی کی ہدایت پرمحکمہ انسدادِ تجاوزات نے ناظم آباد بلاک ایچ میں کارروائی کی، کے ڈی اے نے حیدری مارکیٹ کے قریب غیرقانونی شادی ہالز کے خلاف آپریشن کیا اور اس دوران 2 غیر قانونی طورپر قائم شادی ہالز کو مسمار کردیا گیا، کے ڈی اے اینٹی انکروچمنٹ کے عملے نے ہیوی مشینری کی مدد سے شادی ہالز اور اس میں موجود تعمیرات کو زمین بوس کیا۔کے ڈی اے حکام کا کہنا ہے کہ دونوں شادی ہالز پارک کی زمین پر تعمیر کئے گئے تھے اور اس طرح کی غیر قانونی تعمیرات کے خلاف آپریشن جاری رہے گا، ذرائع کے مطابق دونوں شادی ہالز کراچی کی ایک سیاسی شخصیت کے تھے۔

سپریم کورٹ کے حکم پر کراچی رجسٹری کے باہر سیکیورٹی خدشات کے پیش نظر رکھی گئیں رکاوٹوں کو فوری طور پر ہٹادیا گیا

کراچی (نیوز اپ ڈیٹس) سپریم کورٹ کے حکم پر کراچی رجسٹری اور اس سے متصل عمارتوں کے باہر سیکیورٹی خدشات کے پیش نظر رکھی گئیں رکاوٹوں کو فوری طور پر ہٹادیا گیا ہے۔سپریم کورٹ کراچی رجسٹری میں غیرقانونی بل بورڈز اور سائن بورڈز کی تنصیب کے حوالے سے کیس کی سماعت ہوئی۔ عدالت میں کنٹونمنٹ بورڈ کی رپورٹ پیش کی گئی جس میں بتایا گیا کہ کنٹونمنٹ بورڈ نے اپنی حدود سے غیرقانونی بورڈز ہٹا دیئے ہیں تاہم شہر کی مختلف شاہراہوں پر بعض عسکری اداروں نے بھی غیرقانونی بورڈز لگا رکھے ہیں جنہیں بل سائن بورڈز ہٹانے کے لئے خطوط لکھ دیئے گئے ہیں۔جسٹس امیر ہانی مسلم نے ریمارکس دیئے کہ عمارتوں پر بڑے بڑے بورڈز لگادیئےاورفٹ ہاتھوں پر چلنے کی جگہ بھی نہیں چھوڑی گئی۔ عدالت نے استفسار کیا کہ 5 سال میں بل بورڈز سے کتنا منافع کمایا اور کہاں خرچ کیا گیا اور کراچی میں تمام اداروں سے بل بورڈز سے حاصل ہونے والی آمدنی کا ریکارڈ طلب کرلیا۔سماعت کے دوران جسٹس امیرہانی نے حکم دیا کہ سپریم کورٹ سے متصل فٹ پاتھ سے رکاوٹیں فوری طور پر ہٹائی جائیں، ان کا کہنا تھا کہ فٹ پاتھ پر رکھے گئے سیمنٹ کے بلاکس عام شہریوں کی نقل و حرکت میں رکاوٹ ہیں، اس لئے تمام رکاوٹیں ہٹا کرراستے کو عوام کے لئے کھولا جائے۔ عدالتی حکم پر انتطامیہ نے فوری طور پر تمام رکاوٹیں ہٹا دی ہیں۔

انسداد دہشت گردی عدالت نے سانحہ صفورا کیس میں سزائے موت پانے والے مجرمان کے خلاف دیگر مقدمات بحال کردیئے

کراچی (نیور اپ ڈیٹس) انسداد دہشت گردی عدالت نے سانحہ صفورا کیس میں سزائے موت پانے والے مجرمان کے خلاف دیگر مقدمات بحال کردیئے ہیں۔انسداد دہشت گردی عدالت میں سانحہ صفورا میں سزائے موت پانے والے مجرمان سعدعزیز اور طاہرحسین عرف منہاس کے خلاف حیدری بم دھماکا، نارتھ ناظم آباد اورسمن آباد میں پولیس مقابلے سمیت دیگر مقدمات کے بحال کرنے کے حوالے سے کیس کی سماعت ہوئی۔سزائے موت پانےوالے5 مجرمان کا مقدمہ 2016 میں فوجی عدالت منتقل کیا گیا تھا، مقدمے اورمجرموں کی فوجی عدالت منتقلی کے باعث مقدمات کی سماعت روک دی گئی تھی۔ تاہم عدالت نے ڈیڑھ برس بعد ایک بار پھر حیدری مارکیٹ میں بم دھماکا کیس، نارتھ ناظم آباد اور سمن آباد میں پولیس مقابلہ، تھانہ شارع فیصل میں نیوی کے کیپٹن ندیم احمد قتل کیس اور نیوکراچی میں پولیس محافظ وقار ہاشمی قتل کیس بحال کردیئے ہیں۔عدالت نے بم دھماکوں سمیت 5 مقدمات میں نامزد دیگر دہشت گردوں کے وارنٹ گرفتاری جاری کردیئے۔ دہشت گردوں میں حافظ عمر عرف جواد، علی الرحمن عرف ٹونا، سرفراز عرف حمزہ، کامران عرف عمران بھٹی، عامرعرف عباسی اور طیب داد شامل ہیں۔

سپریم کورٹ نے سندھ کول اتھارٹی میں مبینہ غیر قانونی بھرتیوں پر فیصلہ محفوظ کر لیا  سندھ حکومت توقعات پر پورا اترنے میں ناکام ہو چکی ہے اور قانون کو بالائے طاق رکھ کر صوبے کو تباہ کیا جا رہا ہے، عدالت عظمیٰ  ایڈووکیٹ جنرل سندھ نے ڈی جی کول اتھارٹی دانش سعید کی غیر قانونی تعیناتی کا اعتراف کرلیا، تعلیم یافتہ لوگوں کے حقوق غصب کیے جا رہے ہیں، جسٹس فائز عیسیٰ

کراچی (نیوز اپ ڈیٹس) سپریم کورٹ نے سندھ کول اتھارٹی میں مبینہ غیرقانونی بھرتیوں پر فیصلہ محفوظ کرلیا ہے۔ عدالت عظمیٰ کا کہنا ہے کہ سندھ حکومت توقعات پر پورا اترنے میں ناکام ہوچکی ہے اور قانون کو بالائے طاق رکھ کر صوبے کو تباہ کیا جا رہا ہے۔ منگل کو سپریم کورٹ کراچی رجسٹری میں سندھ کول اتھارٹی میں مبینہ غیر قانونی بھرتیوں سے متعلق کیس کی سماعت ہوئی۔ درخواست گزار نے موقف پیش کرتے ہوئے کہا کہ ڈی جی کول اتھارٹی دانش سعید مقابلے کا امتحان پاس کیے بغیر عہدے پر تعینات کیے گئے۔ عدالت کے روبرو ایڈووکیٹ جنرل سندھ نے ڈی جی کول اتھارٹی دانش سعید کی غیر قانونی تعیناتی کا اعتراف کرلیا جس پر عدالت نے شدید برہمی کا اظہار کیا۔ جسٹس فائز عیسیٰ نے ریمارکس دیے کہ تعلیم یافتہ لوگوں کے حقوق غصب کیے جا رہے ہیں دانش سعید کو صرف اس لیے ڈی جی کے عہدے پر تعینات کیا گیا کیوں کہ وہ سابق وزیر اعلیٰ سندھ کے پرسنل اسسٹنٹ رہے ہیں۔ اس افسر کو کنٹریکٹ پر بھرتی کرنے کے لیے قواعد میں بھی نرمی کی گئی جب کہ وزیر اعلیٰ کو بھی قانون توڑنے کا اختیار نہیں۔ ان کا کہنا تھا کہ ڈی جی کی تعیناتی بورڈ کا اختیار ہے جب کہ تعیناتی کا کام ایم ڈی کر رہا ہے جو خود غیر قانونی تعینات ہوا۔ جسٹس فائز عیسیٰ کا کہنا تھا کہ حکومت عوام کی توقعات پر پورا اترنے میں بری طرح ناکام ہو چکی ہے حکومت عوام کے سامنے جواب دہ ہے، اسے عوام کے حقوق پر ڈاکا ڈالنے کا اختیار نہیں قانون کو بالائے طاق رکھ کر سندھ کو تباہ کیا جا رہا ہے، یہ معاملات دیکھ کر ہمیں تکلیف ہو رہی ہے لیکن کسی کو احساس ہی نہیں۔ عدالت کا کہنا تھا کہ سیکنڈ ڈویژن گریجویٹ کو بھرتی کرنے کے لیے اہل افراد کا حق مارا جا رہا ہے یہاں قوانین اس لیے بنائے جاتے ہیں تاکہ انہیں توڑا جائے، سارے صوبے کے وسائل ایک سفارشی کو بچانے کے لیے استعمال کیے جا رہے ہیں اگر حکومت ڈی جی سندھ کول اتھارٹی کو ہٹانا نہیں چاہتی تو پھر ہم حکم دے دیں گے۔ جسٹس امیر ہانی مسلم نے ایڈیشنل چیف سیکریٹری محمد وسیم سے استفسار کیا کہ دوسرے اداروں کا کام بھی تھرکول کے سپرد کر دیا گیا ہے، اتھارٹی کے پاس اس وقت کتنی اسکیمیں ہیں۔ ایڈیشنل چیف سیکریٹری نے جواب دیا کہ اتھارٹی کے تحت 723 کروڑ روپے کی لاگت کی 17 اسکیمیں جاری ہیں۔ جسٹس امیر ہانی نے ریمارکس دیے کہ ایک کنٹریکٹ افسر اگر اربوں روپے کا فنڈ کھا کر غائب ہوگیا تو پھر آپ کیا کریں گے؟ عدالت نے فیصلہ محفوظ کرتے ہوئے سماعت ملتوی کر دی۔

بلدیہ کورنگی کا ناکارہ گاڑیوں اور مشنریوں کو قابل استعمال بنا نے کا اعلان ،زیر انتظام ورکشاپ کو فعال بنا نے کی ہدایت 

محدود وسائل کو بروئے کار لاکر علاقائی ترقی کے ساتھ ادارے کو بھی مستحکم بنا یا جائیگا ۔سید نیئر رضا 

ورکشاپ میں موجود تمام گاڑیوں اور مشینریوں کو فوری درست کرکے آن روڈ کیا جائے محکمہ M&Eکو ہدایت

چیئر مین بلدیہ کورنگی سید نیئر رضا کا بلدیہ کورنگی کے زیر انتظام ورکشاپ کا اچانک دورہ گاڑیوں اور مشنریوں کی درستگی کے حوالے سے کاموں کا معائنہ

کراچی (نیوز اپ ڈیٹس)چیئرمین بلدیہ کورنگی سید نیئر رضا نے کہا ہے کہ محدود وسائل کو بروئے کار لاکر علاقائی ترقی اور عوام کو مسائل سے نجات دلا نے کے ساتھ ادارے کو بھی مستحکم بنا یا جائے گا ان خیالات کا اظہار انہوں نے متعلقہ افسران کے ہمراہ بلدیہ کورنگی کے زیر انتظام ورکشاپ کا اچانک دورے کے موقع پر ورکشاپ میں گاڑیوں اور مشینریوں کی مرمت کے حوالے سے جاری کاموں کا معائنہ کرتے ہوئے کیا اس موقع پر چیئرمین بلدیہ کورنگی سید نیئر رضا نے محکمہ ایم اینڈ ای کو ہدایت کی کہ تمام ناکارہ مشینریوں اور گاڑیوں کو قابل استعمال بنانے کے عمل کو تیز کیا جائے اس سے جلد ازجلد آن روڈ کیا جائے تاکہ علاقائی سطح پر عوام کو بلدیاتی سہولتوں کی فراہمی کے حوالے سے حائل دشواریوں سے چھٹکارہ دلا یا جاسکے چیئرمین سید نیئر رضا نے کہاکہ ورکشاپ کو فعال بنا یا جائے اور مشنریوں کی تعمیر و مرمت کے حوالے سے جاری انتظامات کو تیز کیا جائے انہوںنے کہاکہ محدو وسائل کو بروئے کار لایا جائے اور معیاری کاموں کو ترجیحی بنیادوں پر یقینی بنا یا جائے چیئر مین بلدیہ سید نیئر رضا نے محکمہ ایم اینڈ ای سمیت تمام محکموں کو ہدایت کی کہ غیر ترقیاتی اخراجات میں کمی اور عوامی فلاح و بہبود کے حوالے سے جاری اقدامات پر وسائل کو استعمال میں لاکر ضلع کورنگی کو ترقی اور عوام کو درپیش علاقائی بلدیاتی مسائل سے نجات دلا نے کے عمل کو ترجیحی بنیادوں پر یقینی بنا نے کے لئے محکمانہ کاوشوں کو بروئے کار لایا جائے ۔چیئر مین بلدیہ کورنگی سید نیئر رضا نے ورکشاپ کے مختلف شعبوں کا معائنہ کرتے ہوئے متعلقہ ذمہ داران کو ہدایت کی کہ ورکشاپ میں مشنریوں اور گاڑیوں کی جاری مرمتی کاموں کو جلد ازجلد مکمل کرکے تمام مشنری اور گاڑیوں کو آن روڈ کیا جائے ۔ 
پبلک ریلیشن آفیسر ۔ڈسٹرکٹ میونسپل کارپوریشن کورنگی کراچی 

واٹر اینڈ سیوریج بورڈ شاہ فیصل کالونی کی نااہلی عوامی شکایات پر کوئی توجہ نہیں دی جارہی 

شاہ فیصل فلائی اوور کے نیچے مکین سیوریج مسائل سے دوچار ،گھروں میں سیوریج کا پانی داخل ہوگیا

کراچی (نیوز اپ ڈیٹس) شاہ فیصل کالونی فلائی اوور کے نیچے کالونی گیٹ کے اطراف آبادیوں میں عوام سیوریج مسائل سے دو چار ،گھروں میں سیوریج کا پانی داخل ہوگیا سیوریج سسٹم کے ناقص نظام کی وجہ سے گھروں کی بنیادیں کمزور ہوگئیں ،عوام شدیداذیت میں مبتلا واٹر اینڈ سیوریج بورڈ شاہ فیصل کالونی کے افسران وعملہ مسئلہ کے حل میں کوئی دلچسپی نہیں لے رہے عوام کی جانب سے بارہا درخواست کے باوجود شکایات کا ازالہ نہیں کیا جارہا ،علاقہ مکینوں نے صوبائی وزیر بلدیات جام خان شورو ،سیکریٹری بلدیات اور ایم ڈی واٹر اینڈ سیوریج بورڈ سے اپیل کی ہے کہ شاہ فیصل فلائی اوور کے نیچے کالونی گیٹ کے اطراف قائم آبادیوں کے مکینوں کو سیوریج مسائل سے نجات دلا نے کے لئے فوری احکامات صادر کرکے عوام کو سیوریج مسائل کی وجہ سے درپیش اذیت سے چھٹکارہ دلا ئیں۔

سندھ بھر میں خانہ اور مردم شماری کا آغاز (آج) صدر مملکت اسٹیٹ گیسٹ ہاؤس میں کریں گے

ادارہ شماریات ،وفاقی اور سندھ حکومتوں نے خانہ شماری اور مردم شماری کے حوالے سے تمام انتظامات مکمل کرلیے

شمارکنندگان کو مردم شماری کا سامان فراہم کردیا گیا، 12ہزار سے زائد مردم شماری عملہ اور ہر شمار کنندہ کے ہم راہ ایک فوجی اہل کاربھی اعداد و شمار جمع کرے گا

کراچی (نیوز اپ ڈیٹس)سندھ بھر میں خانہ اور مردم شماری کا آغاز سے ہوگا ۔ادارہ شماریات ،وفاقی اور سندھ حکومتوں نے خانہ شماری اور مردم شماری کے حوالے سے تمام انتظامات مکمل کرلیے ہیں ۔مردم شماری کے موقع پر سکیورٹی کے سخت انتظامات کیے جائیں گے ۔سکیورٹی کے لیے پاک فوج ،رینجرز اور پولیس تعینات ہوگی ۔صدر مملکت ممنون حسین اسٹیٹ گیسٹ ہاؤس میں ملک میں 19سال بعد ہونے والی مردم شماری کا آغاز کریں گے ۔تفصیلات کے مطابق سندھ کے 8اضلاع میں چھٹی مردم شماری کے پہلے مرحلے کی تیاری مکمل کرلی گئی ہے ،پیر اور منگل کوشمارکنندگان کو مردم شماری کا سامان فراہم کردیا ہے اور خانہ شماری کا آغازبدھ سے شروع ہوگا ،جبکہ 12ہزار سے زائدمردم شماری عملہ اورہر شمارکنندہ کے ہمراہ ایک فوجی اہلکاربھی اعدادوشمار جمع کرے گا۔سندھ میں مردم شماری کے پہلے مرحلے میں کراچی ڈویژن کے6اضلاع ، ضلع حیدر آباد اور ضلع گھوٹکی شامل ہیں، سیکیورٹی کے لئے فوج ، رینجرز اور پولیس تعینات ہوگی۔کراچی کے اضلاع کو کو21مردم شماری اضلاع میں تقسیم کیاگیا ہے ۔ ذرائع سے حاصل اعدادوشمار کے مطابق مردم شماری کے لئے کراچی میں 365چارجز ہیں ۔ ان چارجز کو 2401سرکلز میں تقسیم کیا گیاہے ۔سرکلز کو14550بلاکوں میں تقسیم کیا گیا ہے ۔مجموعی طور پر 10ہزار68افراد پر مشتمل عملہ تعینات کیاگیا ہے ، جن میں ایک ڈویژنل انچارج، 6ضلعی انچارجز ،21مردم شماری اضلاع انچارجز ،365چارج سپرنٹنڈنٹ،2401سرکلز سپروائز اور7ہزار274شمار کنندگان شامل ہیں ۔ کراچی کے 21مردم شماری اضلاع میں کراچی غربی میں سائٹ ، بلدیہ ٹان ، اورنگی ٹان ،معین آباد ،منگھوپیر ،ماڑی پور، ہاربراور منوڑا کنٹونمنٹ ۔ کراچی جنوبی میں لیاری ، گارڈن ، آرام باغ ، صدر ، سول لائن، کراچی کنٹونمنٹ اور کلفٹن کنٹونمنٹ ۔کراچی شرقی میں جمشید کوارٹرز، گلشن اقبال ، فیروز آباد ، گلزار ہجری (اسکیم 33)اور فیصل کنٹونمنٹ ۔کورنگی کراچی میں شاہ فیصل کالونی ، مدینہ کالونی، کورنگی اور لانڈھی ۔ کراچی وسطی میں نارتھ ناظم آباد ،نیو کراچی، گلبرگ، لیاقت آباداور ناظم آباد اور ملیر کراچی میں بن قاسم ، ابراہیم حیدری ، شاہ مراد ، گڈاپ، مراد میمن گوٹھ ، ائیرپورٹ ، کورنگی کریک کنٹونمنٹ اور ملیر کنٹونمنٹ کو مردم شماری ضلع بنایا گیا۔ضلع حیدر آباد میں مردم شماری کے لئے 71چارجز ہیں ۔ ان چارجز کو339سرکلز میں تقسیم کیا گیاہے ۔سرکلز کو2072بلاکوں میں تقسیم کیا گیا ہے ۔مجموعی طور پر ایک ہزار448افراد پر مشتمل عملہ تعینات کیاگیا ہے ، جن میں ایک ڈویژنل انچارج،ایک ضلعی انچارج،5مردم شماری اضلاع انچارجز ،71چارج سپریٹنڈنٹ،339سرکلز سپروائز اورایک ہزار38شمار کنندگان شامل ہیں ۔ضلع حیدر آباد کے 5مردم شماری اضلاع میں تعلقہ حیدر آباد سٹی ، تعلقہ لطیف آباد ،تعلقہ قاسم آباد،حیدر آباد کنٹونمنٹ اورتعلقہ اندرون حیدرآباد۔ضلع گھوٹکی میں مردم شماری کے لئے 20چارجز ہیں ۔ ان چارجز کو101سرکلز میں تقسیم کیا گیاہے ۔سرکلز کو1284بلاکوں میں تقسیم کیا گیا ہے ۔مجموعی طور پر 763افراد پر مشتمل عملہ تعینات کیاگیا ہے ، جن میں ایک ڈویژنل انچارج،ایک ضلعی انچارج،5مردم شماری اضلاع انچارجز ،20چارج سپریٹنڈنٹ،101سرکلز سپروائز اور642شمار کنندگان شامل ہیں ۔ضلع گھوٹکی کے5مردم شماری اضلاع میں تعلقہ گھوٹکی ، تعلقہ خان گڑھ ، میر پور ماتھیلو،تعلقہ اباڑواورتعلقہ ڈھرکی ۔مردم شماری شیڈول کے مطابق 15سے17مارچ تک بلاک نمبر 1کی گھر شماری ہوگی اور اسی دوران شمار کنند ہ گھر کے کسی بھی بالغ فرد کا شناختی کارڈنمبر حاصل کرکے گھر کے افراد کی تعداد معلوم کرے گا ، اسی مرحلے میں گھروں کی مکمل کیفیت بھی درج کی جائے گی ۔18سے27مارچ تک شمار کنندہ مردم شماری کی معلومات جمع کرے گا۔28مارچ کو بغیر گھروں کی آبادی شمار کی جائے گی اور29سے30مارچ تک شمار کنندگان سے پہلے بلاک کی جمع شدہ مردم شماری دستاویزات جمع کرکے بلاک نمبر2کی مردم شماری دستاویزات فراہم کی جائیں گی ۔شیڈول کے مطابق 31مارچ سے2اپریل تک بلاک نمبر2کی گھر شماری ہوگی اور اسی دوران شمار کنند ہ گھر کے کسی بھی بالغ فرد کا شناختی کارڈنمبر حاصل کرکے گھر کے افراد کی تعداد معلوم کرے گا ، اسی مرحلے میں گھروں کی مکمل کیفیت بھی درج کی جائے گی ۔3سے12اپریل تک شمار کنندہ مردم شماری کی معلومات جمع کرے گا۔13اپریل کو بغیر گھروں کی آبادی شمار کی جائے گی اور14سے15اپریل تک شمار کنندگان سے دوسرے بلاک کی جمع شدہ مردم شماری دستاویزات جمع کی جائیں گی ۔یاد رہے کہ ہر شمار کنندہ کے علاقے کو دو بلاکوں میں تقسیم کیا گیاہے ۔مردم شماری حکام کے مطابق شمار کنندگان کو تمام ضروری سامان پیر اورمنگل کو فراہم کردیا گیا ہے ۔